📍 Hududlarda o‘rganish ishlari davom etmoqda

Xalq deputatlari Yakkasaroy tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari hududlarda holat yuzasidan tegishli o‘rganish ishlarini olib bormoqda.

Bugun Doimiy komissiya a’zolari Xusainov Abdixalik Nabiyevich, Xallakov Baxodirjon Abdukaxorovich, Fazilov Ramiz Yasharovich, Suleymanova Muyassarxon Nizamovna, Iskandarov Albert Shoyimovich, Xalq deputatlari Yakkasaroy tumani Kengashi kotibiyati bosh mutaxassisi Axmedjanova Xurriyat Faxritdinovna Yakkasaroy tumanida o‘rganishlar olib bordilar.

O‘rganishlar davomida Yakkasaroy tumani idoralararo muvofiqlashtirish Shtabining doimiy faoliyat ko‘rsatuvchi ishchi guruhi rahbari Maxmudov Ravshanjon Faziljanovich bilan uchrashuv o‘tkazilib, shtab faoliyati yuzasidan qator masalalar o‘rganildi.

Xususan, shtab tomonidan 2025-yil hamda 2026-yilning I choragi yakunlari bo‘yicha solishtirma hisobot taqdim etilishi so‘raldi. Shuningdek, mas’ul xodimlar bilan o‘tkaziladigan yig‘ilishlar davriyligi, ularda berilayotgan topshiriqlar ijrosi yuzasidan amalga oshirilayotgan ishlar o‘rganildi.

Yig‘ilishda O‘zbekiston Respublikasi Prezidentining 2025-yil 3-yanvardagi PQ-1-son Qarori ijrosi doirasida amalga oshirilayotgan chora-tadbirlar, mahallalarda jinoyatchilikning barvaqt oldini olish bo‘yicha olib borilayotgan ishlar hamda bu borada erishilgan natijalar muhokama qilindi.

Bundan tashqari, hududlarda o‘rnatilgan “chaqiruv tugmalari”ning ishlash holati, ularning samaradorligi hamda aholi xavfsizligini ta’minlashdagi o‘rni yuzasidan ma’lumotlar olindi.

📝 Komissiya a’zolari tomonidan shtab faoliyati yuzasidan batafsil hisobotni Xalq deputatlari tuman Kengashi sessiyasida eshitish taklifi ilgari surildi.

Hududlarda xavfsizlikni ta’minlash, jinoyatchilikning oldini olish hamda tizimli nazoratni kuchaytirish bo‘yicha o‘rganish ishlari davom ettirilmoqda.