Gʻallaorol tumanida doimiy komissiyalar qoʻshma yigʻilishi boʻlib oʻtdi

Gʻallaorol tumanida xalq deputatlari Kengashining doimiy komissiyalari qoʻshma yigʻilishi tashkil etildi. Tadbirda ijtimoiy soha, maktabgacha va maktab taʼlimi, shuningdek, taʼlim muassasalarida davlat-xususiy sherikchilik asosida koʻrsatilayotgan xizmatlar sifati kabi dolzarb masalalar atroflicha muhokama qilindi.

Yigʻilishda soha mutaxassislari va deputatlar tomonidan taʼlim muassasalarining moddiy-texnik bazasini mustahkamlash, maktabgacha taʼlim sifatini oshirish, shuningdek, davlat-xususiy sherikchilik loyihalarida xizmat koʻrsatish darajasini yaxshilash masalalari muhokama qilindi. Deputatlar va ekspertlar taʼlim tizimidagi mavjud muammolarni aniqlab, ularni bartaraf etish boʻyicha aniq taklif va tavsiyalarni ishlab chiqdi.