Fidokor mahallasidagi 24-sonli umumta’lim maktabi binosida olib borilayotgan ta’mirlash ishlari yakuniy bosqichga yetdi.

O‘zbekiston Respublikasi Prezidentining 2024 yil 28 martdagi PQ–141-son qarori ijrosi doirasida, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasi asosida tumanda keng ko‘lamli ishlar olib borilmoqda.

Mazkur loyiha doirasida Fidokor mahallasida joylashgan 192 o‘rinli 24-sonli umumta’lim maktabi binosida mukammal ta’mirlash ishlari yakuniy bosqichga yetkazilgan.

Ayni paytda xalq deputatlari tuman Kengashi qoshidagi Xalqparvar komissiyasi raisi T. Tangirov hamda Kengash kotibiyati mudiri D.Sherboyevlar tomonidan qurilish ishlarining sifati doimiy nazoratga olinib, joyida o‘rganilmoqda.

Qurilish ishlari to‘liq yakunlangach, maktabda o‘quvchilar uchun zamonaviy va qulay shart-sharoitlar yaratiladi.