Uchrashuv davomida mahalla aholisi bilan ochiq muloqot yo‘lga qo‘yilib, fuqarolarning kundalik hayotida uchrayotgan muammolar va takliflari atroflicha tinglandi. Xususan, ichki yo‘llarning holati, ichimlik suvi va elektr ta’minoti, bandlikni ta’minlash, yoshlar uchun yaratilayotgan imkoniyatlar, ijtimoiy yordamga muhtoj oilalarni qo‘llab-quvvatlash hamda kommunal xizmatlar bilan bog‘liq masalalar yuzasidan murojaatlar ko‘rib chiqildi.

Deputat tomonidan bildirilgan har bir murojaat alohida nazoratga olinib, ularni hal etish bo‘yicha mas’ul tashkilotlar bilan hamkorlikda aniq chora-tadbirlar belgilandi. Ayrim masalalar joyida ijobiy hal etilgan bo‘lsa, murakkabroq muammolar bo‘yicha tegishli idoralarga deputatlik so‘rovlari yuborilishi rejalashtirildi.