Murojaat o‘rganildi: Tadbirkorlik faoliyati qonun doirasida

Xalq deputatlari Mirobod tuman Kengashi kotibiyat mudiri tomonidan “Farovon” MFYda yashovchi fuqaro R.Muxamedovaning shikoyat murojaati joyiga chiqqan holda atroflicha o‘rganildi.

🔍 O‘rganish tafsilotlari:

Murojaatda keltirilgan korxona faoliyati mutaxassislar ishtirokida ko‘zdan kechirildi. O‘rganish natijasida quyidagilar aniqlandi:

✅ Korxona barcha sanitariya qoidalariga to‘liq rioya qilmoqda;

✅ Faoliyat amaldagi qonunchilik va xavfsizlik talablariga muvofiq tashkil etilgan;

✅ Fuqaro tomonidan keltirilgan shikoyat vajlari o‘z tasdig‘ini topmadi.

🤝 Tushuntirish ishlari:

Shundan so‘ng, mas’ullar murojaatchi R.Muxamedovaning xonadonida bo‘lib, u bilan yuzma-yuz muloqot qildilar. Fuqaroga amaldagi qonun talablari hamda tadbirkor tomonidan barcha me’yorlarga amal qilinayotganligi yuzasidan batafsil tushuntirishlar berildi.