#deputat_soʻrovi #poytaxtdeputatlari #deputatlik_faoliyati

📍 Chilonzor tumanida obodonlashtirish masalasi deputatlik so‘rovi orqali ko‘tarildi

🏛 Chilonzor tumani “Bahoriston” mahalla fuqarolar yig‘inidan kelib tushgan murojaat asosida hududdagi obodonlashtirish bilan bog‘liq muammo yuzasidan tegishli tashkilotga deputatlik so‘rovi yuborildi.

📝 Mazkur murojaat asosida Xalq deputatlari Toshkent shahar Kengashi deputati Xaydarov Nodirjon Kadirovich tomonidan Toshkent shahar Obodonlashtirish bosh boshqarmasi nomiga deputatlik so‘rovi yo‘llandi.

🔎 Murojaatda qayd etilishicha, “Bahoriston” MFY hududidagi Guliston ko‘chasi 21, 22 va 23-uylar atrofida daraxt shoxlari tartibsiz o‘sib ketgan bo‘lib, bu holat mahalla aholisining e’tirozlariga sabab bo‘lmoqda. Mazkur holat hududning sanitariya holati va estetik ko‘rinishiga salbiy ta’sir ko‘rsatayotgani ta’kidlangan.

📁 Shu munosabat bilan deputat tomonidan masalani joyiga chiqib o‘rganish, daraxt shoxlarini belgilangan tartibda butalishi hamda hududni tartibga keltirish yuzasidan tegishli choralar ko‘rish so‘ralgan.

🗣 Deputatlik so‘rovda ko‘tarilgan masalalar yuzasidan amalga oshiriladigan ishlar va o‘rganish natijalari bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)