🏫 Umumta’lim maktablari sport zallari va ulardagi sport anjomlari mavjudligi holati o‘rganildi.

👤 Xalq deputatlari tuman Kengashining 17-O‘zbekiston saylov okrugi deputati B.Fayziyev tomonidan Zafar va Qorasuv MFYda joylashgan 61-, 72-umumta’lim maktabidagi sport zallari holati o‘rganildi.

🔍 O‘rganish jarayonida sport zallarining moddiy-texnik ta’minoti, sanitariya va gigiyena talablari asosida saqlanishi, sport anjomlari bilan jihozlanganlik darajasi hamda o‘quvchilar uchun yaratilgan sharoitlar batafsil tahlil qilindi.

⚽️ Shuningdek, yoshlarni jismonan chiniqqan va sog‘lom etib tarbiyalashda sportning ahamiyati nihoyatda katta ekani qayd etilib, ta’lim muassasalarida sport infratuzilmasini yanada rivojlantirish muhim vazifalardan biri ekani alohida e’tirof etildi.