Búgin Xalıq deputatları Taxtakópir rayonlıq Keńesine Adolat SDP dan saylanǵan deputat O.Kazakov saylawshılar menen Taxtakópir rayonı "Aydın jol" MPJ aymaǵında ushırasıw bolıp ótti.

Ushırasıwda deputat 2026-jıldıń I sheregi dawamında ámelge asırılǵan deputatlıq iskerligi boyınsha esabat berdi. Esabatta deputattıń saylawshılar menen islesiw, puqaralardıń múrájatların qarap shıǵıw, sonday-aq aymaqta ámelge asırılǵan jumıslar haqqında keń maǵlıwmatlar berildi.

Sonday-aq búgingi kúnde mámleketimizde keyingi qabıllanıp atırǵan qarar hám pármanlardıń mazmunı, puqaralarımız ushın jaratılıp atırǵan sharayatlar haqqında keń túrde maǵlıwmatlar berildi.

Ushırasıwda deputat puqaralardıń jeke murajatların tıńlap, hár bir múrájat qadaǵalawda bolıwın aytıp ótti.