Angor tumani “Navro‘z” mahallasi aholisidan ichki yo‘llarning holati yuzasidan murojaat kelib tushdi. Ushbu murojaat asosida muammo deputat nazoratiga olindi. Muammo nimada? 11-“Navro‘z” saylov okrugi, Imom Buxoriy ko‘chasida istiqomat qiluvchi fuqarolar ichki yo‘llarning yaroqsiz holga kelib qolganini bildirgan. Natijada piyodalar hamda transport vositalari harakatida sezilarli qiyinchiliklar yuzaga kelmoqda. Amaliy choralar ko‘rilmoqda Xalq deputatlari tuman Kengashi deputati tomonidan mazkur muammoni ijobiy hal etish maqsadida Angor tumani Obodonlashtirish bo‘limi boshlig‘i Q. To‘laganov nomiga deputatlik so‘rovi yuborildi. Mazkur masala yuzasidan tegishli tashkilot tomonidan amaliy choralar ko‘rilishi kutilmoqda.