MUROJAAT E’TIBORDA: O‘QUVCHILAR XAVFSIZLIGI – ASOSIY MASALA

Xalq deputatlari Uzun tumani Kengashi deputati M.Mamurjonova nomiga "Mehnat" mahallasi saylovchilari hamda hududdagi 5-sonli umumta’lim maktabi ma’muriyati va ota-onalaridan jiddiy xavotir aks etgan murojaat kelib tushdi.

Muammo nimada?

Maktabga tutash yo‘lda transport qatnovi juda yuqori. Biroq, bu yerda na piyodalar o‘tish yo‘lagi ("zebra") va na maxsus ogohlantiruvchi yo‘l belgilari mavjud. Bu holat har kuni yuzlab o‘quvchilarning hayoti va sog‘lig‘ini xavf ostiga qo‘ymoqda.

Mazkur murojaat asosida deputat M.Mamurjonova tomonidan tegishli mutasaddi tashkilotlarga deputatlik so‘rovi yuborildi. Yo‘l xavfsizligini ta’minlash, belgilarni o‘rnatish va "zebra" chiziqlarini chizish masalasi qat’iy nazoratga olindi.

Farzandlarimiz xavfsizligi — barchamizning burchimiz!