➡️➡️➡️ Tuman Kengashi deputati tomonidan deputatlik so‘rovi yuborildi

✅ Xalq deputatlari Boysun tuman Kengashi deputati Y.Aliyevga O‘rmonchi mahalla fuqarolari yig‘ini aholisi tomonidan yo‘llarning ta’mirtalab ahvolda ekanligi yuzasidan murojaat kelib tushdi. 

✅ Murojaatda hududdagi mavjud masalalarni bartaraf etish, infratuzilmani yaxshilash hamda aholiga qulay shart-sharoitlar yaratish bo‘yicha amaliy yordam so‘ralgan.

✅ Mazkur murojaatni atroflicha o‘rgangan tuman Kengashi deputati muammolarni hal etish maqsadida tuman Obodonlashtirish boshqarmasiga deputatlik so‘rovi yubordi. So‘rovda aholini qiynab kelayotgan masalalarni qisqa muddatlarda ko‘rib chiqish va amaliy choralar ko‘rish so‘raldi.

✅ Tez kunlarda ushbu deputatlik so‘rovi ijrosi nazoratga olinib, masalaning ijobiy hal etilishi yuzasidan javob xati berilishini kutib qolamiz.