Xalıq deputatları Bozataw rayonlıq Keńesindegi "ÓzLiDeP" deputatlıq toparınıń náwbettegi esabat tıńlaw májilisi bolıp ótti.

Ilajda "ÓzLiDeP" deputatlıq toparınıń aǵzaları, Bozataw rayonı «Suw jetkerip beriw xızmeti» mámleketlik mákemesiniń baslıǵı hám tiyisli qánigeleri qatnastı.

Kún tártibinde «Rayonda Suw resursların basqarıw, Suw xojalıǵi obektleriniń texnikalıq jaǵdayın jaqsılaw, sondayaq rayonda suwdı únemleytuǵın suwǵarıw texnologiyaların engiziw jaǵdayı hám Vegetaciya dáwiri hám gúzgi qısqı dáwir ushın aqırǵı tutınıwshılar kesiminde eginlerdi suwǵarıw ushın suw alıw limitlerin tastıyıqlaw» haqqında ámelge asırılǵan jumısları boyınsha esabatı tıńlandı.

Deputatlıq topardıń esabat nátiyjelerinde deputatlar tárepinen rayonda suwdı únemleytuǵın suwǵarıw texnologiyaların engiziw jaǵdayı hám Vegetaciya dáwiri hám gúzgi qısqı dáwir ushın aqırǵı tutınıwshılar kesiminde eginlerdi suwǵarıw ushın suw alıw limitlerin ısırap etpesten aqılga muwapıq paydalanıw boyınsha keń túrde dodalandı.

Májilis juwmaǵında rayonlıq Keńesindegi deputatlıq toparı usı máseleler boyınsha tiyisli shólkemler menen birgelikte turaqlı deputatlıq qadaǵalawdı ámelge asırıwı belgilendi.