Халқ депутатлари Янгиқўрғон туман Кенгаши депутати Отабоев Фахриддин Жўрабоевич томонидан сайлов округи ҳудудида жойлашган 58-сонли оилавий поликлиника фаолияти белгиланган тартибда ўрганилди.

Ўрганиш давомида тиббиёт муассасасида аҳолига кўрсатилаётган тиббий хизматлар сифати, моддий-техника базаси, дори-дармон таъминоти, тиббий жиҳозлардан самарали фойдаланиш ҳолати ҳамда даволаш жараёнларининг ташкил этилиши атрофлича таҳлил қилинди.

Шу билан бирга, муассасага ташриф буюрган фуқаролар билан мулоқот ўтказилиб, уларнинг мурожаатлари ўрганилди. Ўрганиш натижасида аниқланган муаммолар қаторида муассасани тоза ичимлик суви тармоғига тўлиқ улаш билан боғлиқ масалалар мавжудлиги қайд этилди.

Мазкур муаммоларни бартараф этиш юзасидан тегишли ташкилот ва идораларга депутатлик сўровлари киритиш, шунингдек, аниқ чора-тадбирларни амалга ошириш бўйича таклифлар ишлаб чиқилди.

Тиббиёт муассасалари фаолияти устидан депутатлик назоратини таъминлаш, аҳолига кўрсатилаётган тиббий хизматлар сифатини янада ошириш ҳамда мавжуд муаммоларни бартараф этиш борасида ишлар изчил давом эттирилади.