Xalq deputatlari Marg‘ilon shahar Kengashi deputatlari A.Mahkamov, Kengash kotibiyati bosh mutaxassisi N.Akbarova hamda O‘zLiDeP Marg‘ilon shahar Kengashi raisining birinchi o‘rinbosari — apparat rahbari M.Xaydarova tomonidan Marg‘ilon shahar Kambag‘allikni qisqartirish va bandlikka ko‘maklashish bo‘limida o‘rganish ishlari olib borildi.
O‘rganish jarayonida Xalq deputatlari Marg‘ilon shahar Kengashining 2025-yil 30-dekabrdagi VII-17-101-11-168-K/25-son qarori ijrosi doirasida kasanachilik faoliyatini yanada kengaytirish maqsadida 2 milliard so‘m kredit mablag‘larini ajratish bo‘yicha amalga oshirilayotgan ishlar holati ko‘rib chiqildi.
Mas’ullar tomonidan kasanachilikni rivojlantirish, aholini bandligini ta’minlash, xonadonlarda daromad manbalarini yaratish hamda tadbirkorlik tashabbuslarini qo‘llab-quvvatlash borasida olib borilayotgan ishlar yuzasidan ma’lumotlar berildi.
O‘rganish davomida ayrim yo‘nalishlarda ishlar yetarli darajada yo‘lga qo‘yilmaganligi qayd etildi. Mazkur holat yuzasidan tegishli choralar ko‘rish maqsadida shahar hokimining birinchi o‘rinbosari nomiga deputat so‘rovi yuboriladi.