Hududda ijtimoiy obyektlar xavfsizligini ta’minlash maqsadida xalq deputatlar Pastdarg‘om tuman Kengashi deputati S.Nurmamatova hamda O‘zbekiston Respublikasi Favqulodda vaziyatlar vazirligi vakili o‘rtasida uchrashuv bo‘lib o‘tdi.

Muloqot davomida mahalladagi maktablar, bog‘chalar, tibbiyot muassasalari va boshqa ijtimoiy ahamiyatga ega obyektlarda favqulodda vaziyatlarning oldini olish, yong‘in xavfsizligi qoidalariga rioya etilishi hamda profilaktik tadbirlarni kuchaytirish masalalari muhokama qilindi.

Tomonlar:

ijtimoiy obyektlarda muntazam o‘quv-seminarlar tashkil etish,

favqulodda vaziyatlarga tayyorgarlik holatini o‘rganish,

aniqlangan kamchiliklarni bartaraf etish bo‘yicha amaliy choralar ko‘rish,

aholining xavfsizlik madaniyatini oshirish yuzasidan hamkorlik qilishga kelishib oldilar.

Mazkur hamkorlik xavfsizlikni yanada mustahkamlash, fuqaro hayoti va salomatligini himoya qilishga xizmat qiladi.