Uzunbuloqda ichki yo‘l muammosi: Deputat so‘rovi yuborildi

“Uzunbuloq” mahalla fuqarolar yig‘ini, Zafarobod qishlog‘i aholisiga anchadan buyon ichki yo‘l muommo bo'lib kelmoqda. Ayniqsa, Fayzulla Xo‘jayev ko‘chasining 1 000 metr qismi bugungi kunda mutlaqo yaroqsiz, ta’mirtalab holatga kelib qolgan.

Bu holat nafaqat piyodalar va haydovchilar uchun noqulaylik tug‘dirmoqda, balki yog‘ingarchilik kunlarida aholining, ayniqsa, maktab o‘quvchilarining harakatlanishini qiyinlashtirmoqda.Mazkur muammoni ijobiy hal etish, yo‘lni zamonaviy talablar asosida ta’mirlash maqsadida hududdan saylangan deputat X.Norqulov tomonidan tegishli tashkilotga so‘rov yuborildi. Deputat so‘rovida mazkur ko‘chani ta’mirlash ishlarini dasturlarga kiritish va qisqa muddatlarda aholi uchun qulay sharoit yaratish masalasi qat’iy qo‘yilgan. 

Ushbu masalaning ijrosi nazoratga olingan bo‘lib, tez orada amaliy ishlar boshlanishi kutilmoqda.