🏛 MAKTABGACHA TA’LIM TASHKILOTI FAOLIYATI O‘RGANILDI

Xalq deputatlari Surxondaryo viloyati Kengashi 5-Seplon saylov okrugidan saylangan deputat M. Narbasheva hamda Sherobod tumani Kengashi 8-Mehnatobod saylov okrugidan saylangan deputat S. Irisov tomonidan “Mehnatobod” mahallasida joylashgan 22-sonli maktabgacha ta’lim tashkiloti faoliyati joyiga chiqqan holda o‘rganildi.

O‘rganish jarayonida muassasada tarbiyalanayotgan bolalar uchun yaratilgan shart-sharoitlar, guruh xonalarining holati, issiqlik tizimining ishlash holati, sanitariya-gigiyena talablariga rioya etilishi, shuningdek, bolalarga berilayotgan oziq-ovqat mahsulotlarining sifati va kunlik ovqatlanish ratsioni atroflicha ko‘zdan kechirildi.

O‘rganish yakunlari bo‘yicha aniqlangan ayrim masalalar yuzasidan tegishli mutasaddi tashkilotlar vakillariga amaliy tavsiyalar berildi. Mavjud kamchiliklarni qisqa muddatlarda bartaraf etish, muassasa faoliyatini yanada takomillashtirish hamda bolalar uchun yanada qulay va xavfsiz sharoitlar yaratish bo‘yicha zarur choralar belgilandi.