Navbahor MFYda dolzarb masalalar muhokama qilindi 

Xalq deputatlari Oltiariq tumani Kengashi deputati A.Ibragimov Navbahor MFYda mahalla yettiligi a’zolari bilan uchrashuv o‘tkazdi. Uchrashuv davomida yoshlar bandligi, hokim yordamchilari hamda ijtimoiy xodimlar faoliyati samaradorligi yuzasidan fikr almashildi. Shu bilan birga, kam ta’minlangan oilalarni qo‘llab-quvvatlash, ijtimoiy nafaqa va moddiy yordamlarni o‘z vaqtida tayinlash masalalariga alohida e’tibor
qaratildi. Bildirilgan taklif va muammolarni tizimli hal etish bo‘yicha aniq vazifalar belgilab olindi. Shuningdek, hududda tadbirkorlikni rivojlantirish, yangi ish o‘rinlari yaratish hamda yoshlarni kasb-hunarga yo‘naltirish masalalari ham muhokama qilindi. Aholi murojaatlarini o‘z vaqtida ko‘rib chiqish va har bir masalaga manzilli yondashuvni ta’minlash bo‘yicha mas’ullarga tegishli topshiriqlar berildi. Uchrashuv yakunida mahallada
ijtimoiy-iqtisodiy barqarorlikni mustahkamlash yuzasidan kelgusidagi ustuvor vazifalar belgilab olindi.