DEPUTATLIK FAOLIYATI DOIRASIDA NAVBATDAGI UCHRASHUV

3-Yangiqurilish saylov okrugidan saylangan Xalq deputatlari Namangan shahar Kengashi deputati Sapayev Zafar Jumanazarovich mahalla fuqarolar yig‘ini “yettiligi” a’zolari bilan uchrashuv o‘tkazdi. 

Unda mahallada jinoyatchilikning oldini olish, aholi bandligini ta’minlash, kambag‘allikni qisqartirish, yoshlar hamda xotin-qizlar bilan ishlash masalalari atroflicha muhokama qilindi.

Shuningdek, 12-son oilaviy poliklinika tibbiyot xodimlari bilan uchrashuv o‘tkazilib, mahalla fuqarolarini qizamiq hamda boshqa yuqumli kasalliklarga qarshi emlash jarayonining borishi yuzasidan ma’lumotlar tinglandi.

Uchrashuv davomida fuqarolar tomonidan yo‘llangan murojaatlar joyida o‘rganildi. Aniqlangan holatlar yuzasidan tegishli mutasaddi idoralarga deputatlik so‘rovlari yuborishga kelishib olindi.