Hududdagi o‘rganishlar davomida tuman Kengashi raisi S.Nazarov va A.Avliyakulov hududda faoliyat yuritayotgan tadbirkorlar va o‘zini-o‘zi band qilgan fuqarolar faoliyati bilan tanishdi.

Tashrif davomida aholining bandlik darajasi, ishbilarmonlik tashabbuslari, ishlab chiqarish va xizmat ko‘rsatish sohalarida erishilgan natijalar atroflicha o‘rganildi.

Shuningdek, tadbirkorlar va o‘zini-o‘zi band qilgan fuqarolar bilan ochiq muloqot o‘tkazilib, faoliyatlarini yanada rivojlantirish, mavjud muammolarni bartaraf etish hamda mahalla yettiligi va tegishli idoralar bilan hamkorlikni kuchaytirish yo‘llari muhokama qilindi.

Tahlil natijasida hududdagi bandlik va tadbirkorlik faoliyati samaradorligini oshirish, yoshlarni ish bilan ta’minlash va ijtimoiy-iqtisodiy rivojlanishga qo‘shayotgan hissasini yanada kuchaytirish zarurligi ta’kidlandi.