Xalq deputatlari Sherobod tumani Kengashi 12-Cho‘mishli–Taroqli saylov okrugi deputati F. Shermuxamedova tomonidan o‘z saylov okrugida joylashgan Davlat xizmatlari markazi hamda FHDYo bo‘limida fuqarolarga xizmat ko‘rsatilishi holati yuzasidan deputatlik nazorati olib borildi.

Nazorat jarayonida aholiga ko‘rsatilayotgan davlat xizmatlarining sifati, murojaatlarni ko‘rib chiqish tartibi, xizmat ko‘rsatish muddatlariga rioya etilishi hamda fuqarolar uchun yaratilgan shart-sharoitlar o‘rganildi.

Shuningdek, markazga murojaat qilgan fuqarolar bilan suhbat o‘tkazilib, ularning fikr va takliflari tinglandi. Aniqlangan kamchiliklarni bartaraf etish hamda xizmatlar samaradorligini yanada oshirish yuzasidan tegishli tavsiyalar berildi.

Deputatlik nazorati doirasidagi bunday o‘rganishlar aholi manfaatlarini himoya qilish, davlat xizmatlari sifatini yaxshilash va ochiqlikni ta’minlashda muhim ahamiyat kasb etadi.

Slide 1 of 3