Mahalla — taraqqiyot tayanchi

O‘zLiDeP Namangan shahar Kengashi tashabbusi bilan “Yangi O‘zbekiston taraqqiyot strategiyasini amalga oshirishda mahallaning o‘rni va partiya tashkilotlarining mas’uliyati” mavzusida targ‘ibot tadbiri o‘tkazildi.

Tadbirda Xalq deputatlari Namangan shahar Kengashi 2–“Barkamol avlod” saylov okrugi deputati Bahodir Xalilov, O‘zLiDeP viloyat Kengashi bo‘lim mudirlari hamda shahar Kengashi apparati rahbari ishtirok etdi.

Ishchi guruh Yakkatut va Objuvoz MFYlarida bo‘lib, mahalla yettiligi faoliyati, aholi bilan ishlash holati hamda mavjud muammolarni o‘rgandi. Xonadonlarga tashrif buyurilib, fuqarolar murojaatlari tinglandi.

Uchrashuvlar davomida Yangi O‘zbekiston taraqqiyot strategiyasida belgilangan ustuvor yo‘nalishlar, xususan, aholi bandligi, tadbirkorlikni qo‘llab-quvvatlash va partiya tashkilotlarining mas’uliyati yuzasidan tushuntirishlar berildi.