Joriy yilning 19–21-noyabr kunlari Sankt-Peterburg shahrida “Moda hamdo‘stdigi” IV Xalqaro forumi o‘tkazildi.

Unda xalq deputatlari Olmazor tumani Kengashi deputati, Markaziy Osiyo Dizaynerlar Ittifoqi raisi Gulyamova Kamala Xalitovna hamda MDH davlatlari yengil sanoati va moda industriyasi vakillari, Markaziy Osiyo Dizaynerlar Ittifoqi va Respublika Xunarmand Uyushmasi vakillari va dizaynerlar ishtirok etdi.

Ushbu forum MDH mamlakatlari va xalqaro hamjamiyat o‘rtasida savdo, sanoat, dizayn va kreativ iqtisodiyot yo‘nalishlaridagi hamkorlikni mustahkamlashga xizmat qiluvchi nufuzli platforma sifatida e’tirof etilgan.

Tadbir doirasida Rossiya Federatsiyasi Federal Majlisi Federatsiya Kengashi Raisi Valentina Matviyenko forum doirasida yengil sanoat va kreativ industriya vakillari bilan uchrashuv o‘tkazdi. Markaziy Osiyo Dizaynerlar Ittifoqi raisi Gulyamova Kamala Xalitovnaga “ Xalqaro Hamkorlik aloqalarini rivojlantirish uchun” forum mukofoti topshirildi.

 Shuningdek, deputat tomonidan kasb-hunar kurslariga jalb etilishi lozim bo‘lgan xotin-qizlar, ayollar toifasi aniqlanib, ularni tikuvchilik, dizaynerlik savodxonligi kabi yo‘nalishlarda o‘qitish bo‘yicha mas’ullarga yo'naltirildi. 

Deputatning nafaqat mahalladagi faoliyati balki xotin-qizlarning iqtisodiy mustaqilligini ta’minlashga, ularning jamiyat hayotidagi o‘rnini yanada kuchaytirishga qaratilgani bilan ahamiyatlidir.