O‘rganish jarayonida ayrim ko‘chalardagi yoritish chiroqlari va elektr tarmoqlarida ta’mirlash zarurligi, shuningdek, qish mavsumida aholiga issiqlik yetkazib beruvchi qozonxonaning texnik tayyorligini yaxshilash zarurligi qayd etildi. Mazkur masalalar yuzasidan tegishli tashkilotlarga deputatlik so‘rovi kiritildi.

Fuqarolar bilan muloqot chog‘ida mahalla ahlining obodonlashtirish ishlarida faol ishtirok etayotgani e’tirof etildi. Shuningdek, deputatlar tashabbusi bilan hashar tashkil etilib, hududdagi ko‘p yillik daraxtlar osti tozalandi, ariq-zovurlar qazilib, chiqindilar chiqarib tashlandi.

Deputatlar ta’kidlashicha, bu kabi amaliy tadbirlar aholining birligi va hamjihatligini mustahkamlash, shuningdek, har bir mahalla qish mavsumini bemalol o‘tkazishiga zamin yaratadi.