Xalq deputatlari Qo‘qon shahar Kengashi deputati X.Nazarova tomonidan “At-Termiziy” mahalla fuqarolar yig‘inida Xalq deputatlari Qo‘qon shahar Kengashining navbatdagi sessiyasi kun tartibiga kiritilgan “Shahar IIB boshlig‘ining 2026-yil birinchi yarim yilligida shaharda jinoyatchilik va huquqbuzarliklarning oldini olish borasida amalga oshirilgan ishlar to‘g‘risidagi hisoboti” yuzasidan o‘rganish ishlari olib borildi.

O‘rganish jarayonida mahalla profilaktika inspektori M.Eshonxo‘jayev bilan birgalikda O‘zbekiston Respublikasining “Huquqbuzarliklar profilaktikasi to‘g‘risida”gi Qonuni ijrosi hamda mahallada amalga oshirilayotgan profilaktik tadbirlar muhokama qilindi.

Xususan, himoya orderi berilgan xotin-qizlar bilan olib borilayotgan manzilli ishlar, muqaddam jinoyat sodir etgan fuqarolarni ijtimoiy moslashtirish va takroriy huquqbuzarliklarning oldini olish, nazoratga olingan voyaga yetmaganlar bilan profilaktik suhbatlar hamda ularning bo‘sh vaqtini mazmunli tashkil etish borasida amalga oshirilayotgan chora-tadbirlar tahlil qilindi.

Shuningdek, mahallada huquqbuzarliklarning barvaqt oldini olish, "mahalla yettiligi" hamkorligini kuchaytirish, xavf guruhiga kiruvchi fuqarolar bilan individual ishlash hamda jamoat xavfsizligini ta’minlash yuzasidan amalga oshirilayotgan ishlar muhokama qilinib, bu boradagi mavjud muammolar va ularning yechimlari yuzasidan fikr almashildi.

Xalq deputatlari Qo‘qon shahar Kengashi