AHOLI BANDLIGI VA TADBIRKORLIKNI RIVOJLANTIRISH MASALALARI O‘RGANILDI

Xalq deputatlari Quva tuman Kengashi deputati M.Rahimov hamda tuman Kengashi
kotibiyati bosh mutaxassisi A.Fozilov tomonidan Turk mahalla fuqarolar
yig‘inida hokim yordamchisining faoliyati o‘rganildi.

O‘rganish davomida aholi bandligini ta’minlash, tadbirkorlikni rivojlantirish,
tomorqadan samarali foydalanish hamda fuqarolar daromadlarini oshirish borasida
amalga oshirilayotgan ishlar tahlil qilindi. Shuningdek, yangi ish o‘rinlari
yaratish, ishsiz fuqarolarni kasb-hunarga o‘qitish va tadbirkorlikka jalb etish
masalalari muhokama qilindi.

O‘rganish yakunida aholi bandligini oshirish, fuqarolarni daromadli mehnatga
jalb etish hamda tadbirkorlikni rivojlantirish borasidagi ishlar
samaradorligini yanada kuchaytirish zarurligi ta’kidlandi va bu borada tegishli
tavsiyalar berildi.