Xalq deputatlari G‘allaorol tumani Kengashi

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

Xalq deputatlari Shirin shahar Kengashi

Shirin shahar tibbiyot birlashmasida kuz-qish mavsumida aholi salomatligini muhofaza qilish va mavsumiy kasalliklarning oldini olish mavzusida matbuot anjumani o‘tkazildi.

Matbuot anjumanida kuz-qish oylarida ko‘proq uchrashi mumkin bo‘lgan gripp va boshqa O‘RVI, bronxit, pnevmoniya kabi kasalliklarning oldini olish bo‘yicha muhim tavsiyalar berildi.

Mutaxassislar kasalliklarning havo-tomchi va muloqot yo‘li orqali yuqishi, ayniqsa, 5 yoshgacha bo‘lgan bolalar, 65 yoshdan kattalar, homilador ayollar hamda surunkali kasalligi mavjud fuqarolarning ehtiyot choralariga jiddiy rioya qilishi lozimligini ta’kidladilar.

Mavsumiy kasalliklardan himoyalanish uchun qo‘l gigiyenasiga rioya qilish, xonalarni muntazam shamollatish, ob-havoga mos kiyinish, to‘g‘ri ovqatlanish, yetarli uyqu va jismoniy faollikka e’tibor qaratish tavsiya etildi. Grippga qarshi emlanish, ayniqsa, xavf guruhidagi fuqarolar uchun muhim ekani qayd etildi.

Shuningdek, kasallik alomatlari kuzatilganda o‘zbilarmonlik bilan dori-darmon, xususan, antibiotiklarni qabul qilmaslik, ularni faqat shifokor tavsiyasiga ko‘ra qo‘llash zarurligi ta’kidlandi. Nafas qisishi, ko‘krakda og‘riq, yuqori haroratning uzoq davom etishi, kuchli holsizlik kabi belgilar kuzatilganda zudlik bilan shifokorga murojaat qilish zarurligi qayd etildi.

Matbuot anjumanida mavsumiy kasalliklarning oldini olishda aholining tibbiy tavsiyalarga amal qilishi, kasallik belgilari paydo bo‘lganda o‘z vaqtida tibbiy yordamga murojaat qilishi va atrofdagilarga kasallik yuqtirmaslik choralariga rioya qilishi muhimligi ta’kidlandi.

Slide 1 of 3