Xalq deputatlari G‘allaorol tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

"Shifokor" mahallasida O‘RQ-406-sonli Qonun doirasida yoshlar masalalari muhokama qilindi!

Termiz shahrida yosh avlodning huquq va manfaatlarini himoya qilish, ularning iqtidori hamda intellektual salohiyatini ro‘yobga chiqarish, bandligini ta’minlash va tashabbuslarini qo‘llab-quvvatlash borasidagi deputatlik nazorati izchil davom ettirilmoqda.

Shu maqsadda, Xalq deputatlari Termiz shahar Kengashi kotibiyati bosh mutaxassisi A.Temirov Kengashning 3-“Shifokor” saylov okrugi deputati O.Lapasovaning saylov okrugiga qarashli “Shifokor” mahallasida bo‘lib, mahalla Yoshlar yetakchisi hamda Kengash huzuridagi “Yoshlar maslahat” guruhi a’zosi A.G‘afforov ishtirokida O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni doirasida yoshlar masalasi muhokama qilindi.

Muloqot davomida O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni talablari asosida mahallada yoshlar bilan ishlash tizimi atroflicha ko‘rib chiqildi.

Suhbat davomida quyidagi muhim yo‘nalishlar tahlil qilindi:
• Bandlik va "Yoshlar daftari": Mahalladagi ishsiz yoshlar ro‘yxati, ularni doimiy ish o‘rinlariga joylashtirish, zamonaviy kasb-hunar va IT-sohalarga o‘qitish;
• Tadbirkorlikni qo‘llab-quvvatlash: O‘z biznesini yo‘lga qo‘yish istagidagi yoshlarga imtiyozli kredit va subsidiyalar ajratilishining manzilliligi;
• Bo‘sh vaqt va "Besh tashabbus": "Besh tashabbus olimpiadasi" doirasida sport, madaniyat va intellektual loyihalar qamrovini kengaytirish;
• Manzilli ko‘mak: Ijtimoiy-huquqiy yordamga muhtoj hamda "og‘ir" toifadagi yoshlar bilan individual ishlash va huquqbuzarliklar profilaktikasi.
"Kengash huzuridagi 'Yoshlar maslahat' guruhi, deputatlar hamda mahalla yoshlar yetakchisining hamkorligi — har bir yoshning muammosiga tezkor yechim topish garovidir!"
Yig‘ilish yakunida O‘RQ-406-sonli Qonun talablarini mahalla darajasida yanada samarali va natijador tashkil etish, yoshlar murojaatlarini adolatli ko‘rib chiqish hamda mavjud kamchiliklarni bartaraf etish yuzasidan mas’ullarga tegishli tavsiya va ko‘rsatmalar berildi.