Yangiliklar
So‘ngi yangiliklar
янв.21
Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.янв.21
Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.янв.21
Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.янв.21
Doimiy komissiya yig‘ilishida G‘allaorol tumanida nogironligi bo‘lgan va imkoniyati cheklangan fuqarolarga ta’lim, tibbiy, ijtimoiy hamda davlat xizmatlaridan foydalanish uchun yaratilayotgan sharoitlar muhokama qilindi. Tumanda 5 855 nafar nogironligi bo‘lgan shaxs mavjud. Imkoniyati cheklangan bolalar uchun 2 ta “Kunduzgi parvarish markazi” va “Yangi kun” xizmati faoliyati yo‘lga qo‘yilgan. 16 ta maktabda korreksion sinflar tashkil etilgan. Xatlovda 180 nafar alohida ta’lim ehtiyojiga ega bola aniqlanib, uy ta’limidagi 80 nafar boladan 9 nafari umumta’lim maktablariga jalb etilgan. Shuningdek, tibbiy xizmatlardan foydalanish va to‘siqsiz harakatlanish imkoniyatlarini kengaytirish bo‘yicha ishlar amalga oshirilmoqda. Yig‘ilish yakunida ushbu yo‘nalishdagi ishlarni yanada takomillashtirish yuzasidan taklif va tavsiyalar bildirildi.янв.21
Doimiy komissiya yig‘ilishida G‘allaorol tumani Favqulodda vaziyatlar bo‘limining 2026-yil davomida aholi va hududlarni favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash borasida amalga oshirgan ishlari to‘g‘risidagi hisoboti eshitildi.Hisobot davrida 38 532 ta xonadonda profilaktik targ‘ibot ishlari olib borilib, 212 ta uchrashuvda 7 230 nafar fuqaro qamrab olingan. Yong‘in xavfsizligi yo‘nalishida esa 193 ta davlat obyekti va 109 ta tadbirkorlik subyekti o‘rganilib, aniqlangan 4 647 ta kamchilikning 3 464 tasi bartaraf etilgan.Yig‘ilish yakunida deputatlar tomonidan mas’ullarga savollar berilib, tegishli javoblar olindi. Aniqlangan kamchiliklarni bartaraf etish, profilaktik ishlar samaradorligini oshirish va aholi xavfsizligini ta’minlash yuzasidan taklif va tavsiyalar bildirildi.янв.21
Doimiy komissiya yig‘ilishida G‘allaorol tumanida qishloq xo‘jaligi sohasida amalga oshirilayotgan ishlar, yer va suv resurslaridan samarali foydalanish hamda oziq-ovqat xavfsizligini ta’minlash masalalari muhokama qilindi. 2026-yilda 907 gektar yangi yerlarni o‘zlashtirish rejalashtirilgan bo‘lib, hozirga qadar 596 gektari foydalanishga kiritildi. Shuningdek, 830 gektar maydonda suv tejovchi texnologiyalarni joriy etish rejalashtirilib, amalda 815 gektarda ushbu texnologiyalar o‘rnatildi. Yig‘ilish yakunida yer va suv resurslaridan oqilona foydalanish, takroriy ekinlardan samarali foydalanish hamda belgilangan vazifalar ijrosini ta’minlash yuzasidan taklif va tavsiyalar bildirildi.янв.21
Xabarda Oliy Majlis Qonunchilik palatasi deputati Zulayho Akramova tomonidan tumanning Ko‘k buloq QFY hududidagi 54-sonli umumiy o‘rta ta’lim maktabida birinchi mavsumda g‘olib deb topilgan loyihalarning amalga oshirilish holati o‘rganilgani qayd etilgan. Shuningdek, ikkinchi mavsumda aholining kundalik hayoti va hudud rivojiga bevosita ta’sir ko‘rsatadigan loyihalar fuqarolarning taklif va manfaatlari asosida tahlil qilingani haqida ma’lumot berilgan.янв.21
O‘zbekiston Respublikasi Oliy Majlis Qonunchilik palatasi deputatlari Z. Akramova va R. Siddiqov, Xalq deputatlari G‘allaorol tuman Kengashi deputatlari K. Usmonov, M. Boboyeva va B. Qorajonov ishtirokida G‘allaorol tumani Olimlar MFY hududidagi 16-sonli umumiy o‘rta ta’lim maktabida o‘rganish ishlari olib borildi. 🏫 Tashrif davomida “Tashabbusli budjet” loyihasi doirasida amalga oshirilishi rejalashtirilgan 120 o‘rinli qo‘shimcha bino va 150 o‘rinli oshxona qurilishi bilan bog‘liq masalalar ko‘rib chiqildi. Shuningdek, maktab o‘qituvchilari bilan uchrashuv o‘tkazilib, ta’lim sifatini oshirish, mavjud muammolarni bartaraf etish va o‘quvchilar uchun munosib shart-sharoitlar yaratish masalalari muhokama qilindi.янв.21
Piyodalar xavfsizligi — deputat nazoratida!янв.21
Mahalla yettiligining faoliyati o‘rganildiFUQAROLAR MUROJAATI JOYIDA O‘RGANILDI
FUQAROLAR MUROJAATI JOYIDA O‘RGANILDI
📍Xalq deputatlari O‘rta Chirchiq tuman Kengashi deputatlari N.Xaitqulov va B.Baxovadinov tomonidan “Darxan” MFY raisi bilan hamkorlikda fuqarolar murojaatlari yuzasidan joyiga chiqib o‘rganish ishlari olib borildi.
🖊O‘rganish davomida “Darxan” MFY hududida istiqomat qiluvchi fuqaroning murojaati uning yashash manzilida bevosita o‘rganilib, murojaatda ko‘tarilgan masalalar yuzasidan tegishli holatlar ko‘zdan kechirildi hamda fuqaro bilan suhbat o‘tkazildi.
🖋Fuqaroning murojaati deputatning “Ko‘chama-ko‘cha fuqarolar murojaatlarini o‘rganish daftari”ga belgilangan tartibda qayd etildi.
📖Murojaatda ko‘tarilgan masalani qonuniy va ijobiy hal etish maqsadida u deputatlik nazoratiga olindi.
📌Fuqarolar murojaatlarini joyiga chiqib o‘rganish, mavjud muammolarni aniqlash va ularning amaliy yechimini ta’minlash deputatlik nazoratining muhim yo‘nalishlaridan biri hisoblanadi.
✅Xalq deputatlari O‘rta Chirchiq tuman Kengashi kotibiyati axborot xizmati!