Xalq deputatlari G‘allaorol tumani Kengashi

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

#Okrugda_o‘rganish #Yangi_O‘zbekiston_qiyofasidagi_mahalla

#Okrugda_o‘rganish
#Yangi_O‘zbekiston_qiyofasidagi_mahalla

“Gilambob” mahallasini “Yangi O‘zbekiston qiyofasi”ga moslashtirish bo‘yicha amaliy ishlar davom etmoqda
Xalq deputatlari Surxondaryo viloyati Kengashi deputati Poyon Bakirov hamda Xalq deputatlari Angor tumani Kengashining 3-Gilambob saylov okrugi deputati Mavlona Ra’no ishtirokida “Gilambob” mahallasida hududni obodonlashtirish, infratuzilmani yaxshilash hamda aholi bilan muloqot qilish maqsadida o‘rganish ishlari olib borildi.

O‘rganishlar davomida mahalla hududini “Yangi O‘zbekiston qiyofasi”ga mos ravishda obodonlashtirish, mavjud infratuzilmani yaxshilash, ko‘chalar va piyodalar yo‘laklarini tartibga keltirish, aholi uchun qulay va munosib yashash sharoitlarini yaratish masalalariga alohida e’tibor qaratildi.

Jumladan, hududdagi piyodalar yo‘laklari ko‘zdan kechirilib, 1 kilometr masofada piyodalar yo‘lakchasi qurilgani, shuningdek, mahalla hududida 498 ta elektr ustuni o‘rnatilgani qayd etildi.
Bundan tashqari, “Gilambob” mahallasida aholini ichimlik suvi bilan ta’minlashni yaxshilash maqsadida 30 kilometr masofaga suv tarmoqlari tortilgani hamda buning natijasida aholiga qulayliklar yaratilayotgani ta’kidlandi.

Qurilish va obodonlashtirish ishlari
O‘rganish davomida mahalla hududida barpo etilayotgan suv inshootlari hamda boshqa obyektlarda olib borilayotgan qurilish ishlari ko‘zdan kechirildi.

Aholi bilan yuzma-yuz muloqot
Deputatlar tomonidan mahalladagi xonadonlarga kirib, aholi bilan bevosita muloqotlar ham o‘tkazildi. Suhbatlar davomida fuqarolarning mavjud muammolari, bandligini ta’minlash, daromadlarini oshirish, kambag‘allikdan chiqarish, xonadonlar va tutash hududlarni obodonlashtirish masalalari o‘rganildi.

Slide 1 of 1