Xalq deputatlari G‘allaorol tumani Kengashi

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

#tuman_hokimi

✔️Bugun tuman hokimi, tuman Kengashi deputati Behzod Raxmatullayev mas’ullar hamda biriktirilgan vakillar bilan Taraqqiyot mahallasida kambag‘allik reyestrida turuvchi oila xonadonlarida bo‘lib, ularning ijtimoiy holati o‘rganildi.

✔️O‘rganishda oilalarning mavjud muammolari va ehtiyojlari tinglanib, ularni hal etish, zarur amaliy yordam ko‘rsatish, daromad manbalarini kengaytirish, ishsiz fuqarolarni doimiy ish bilan ta’minlash masalalariga alohida e’tibor qaratildi.

✔️Jumladan, T. Begmatov, M. Shomurodova va Z. G‘ofurov xonadonlarida bo‘lib oilalarning sharoiti o‘rganildi. Tibbiy davolanishga ehtiyoji bo‘lgan fuqarolarga amaliy ko‘mak ko‘rsatish, mavjud muammolarni tegishli tashkilotlar bilan hamkorlikda hal etish bo‘yicha mas’ullarga vazifalar belgilandi.

✔️Fuqarolarga davlat tomonidan taqdim etilayotgan imtiyoz va imkoniyatlardan samarali foydalanish, oila daromadini oshirish hamda bandlikni ta’minlash bo‘yicha zarur tushuntirishlar berildi.

Slide 1 of 4