Xalq deputatlari Oltinsoy tumani Kengashining navbatdagi sessiyasi oldidan doimiy komissiya yig‘ilishi o‘tkazildi.

Yig‘ilishda Kengash raisi, doimiy komissiyalar raislari va a’zolari, Kengash Kotibiyati xodimlari hamda ekspert guruhlari vakillari ishtirok etdi.

Kun tartibidan Oltinsoy tumanida “Tashabbusli byudjet” jarayonining 2026-yil 2-mavsumi yakunlariga ko‘ra “Openbudget.uz” portali orqali g‘olib deb topilgan loyihalarni amalga oshirish va ularni moliyalashtirish masalasi o‘rin oldi.

Mazkur masala yuzasidan tuman moliya bo‘limining hisoboti tinglandi. Hisobotda g‘olib loyihalarni moliyalashtirish manbalari, ajratiladigan mablag‘lar hajmi, mablag‘larni o‘z vaqtida va samarali o‘zlashtirish bo‘yicha amalga oshirilayotgan ishlar hamda kelgusidagi vazifalar to‘g‘risida batafsil axborot berildi.

Muhokama davomida doimiy komissiya a’zolari tomonidan g‘olib loyihalarni o‘z vaqtida va sifatli amalga oshirish, ajratilgan mablag‘lardan maqsadli va samarali foydalanish, shuningdek, loyihalarning ijrosi ustidan samarali deputatlik nazoratini ta’minlash yuzasidan taklif va tavsiyalar bildirildi.

Yig‘ilish yakunida kun tartibidagi masala yuzasidan tegishli qaror loyihasi ko‘rib chiqilib, Xalq deputatlari Oltinsoy tumani Kengashining navbatdagi sessiyasiga kiritish uchun tavsiya etildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz