Xalq deputatlari G‘allaorol tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

Doimiy komissiya yig‘ilishida G‘allaorol tumanida nogironligi bo‘lgan va imkoniyati cheklangan fuqarolarga ta’lim, tibbiy, ijtimoiy hamda davlat xizmatlaridan foydalanish uchun yaratilayotgan sharoitlar muhokama qilindi. Tumanda 5 855 nafar nogironligi bo‘lgan shaxs mavjud. Imkoniyati cheklangan bolalar uchun 2 ta “Kunduzgi parvarish markazi” va “Yangi kun” xizmati faoliyati yo‘lga qo‘yilgan. 16 ta maktabda korreksion sinflar tashkil etilgan. Xatlovda 180 nafar alohida ta’lim ehtiyojiga ega bola aniqlanib, uy ta’limidagi 80 nafar boladan 9 nafari umumta’lim maktablariga jalb etilgan. Shuningdek, tibbiy xizmatlardan foydalanish va to‘siqsiz harakatlanish imkoniyatlarini kengaytirish bo‘yicha ishlar amalga oshirilmoqda. Yig‘ilish yakunida ushbu yo‘nalishdagi ishlarni yanada takomillashtirish yuzasidan taklif va tavsiyalar bildirildi.

Doimiy komissiya yig‘ilishida G‘allaorol tumani Favqulodda vaziyatlar bo‘limining 2026-yil davomida aholi va hududlarni favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash borasida amalga oshirgan ishlari to‘g‘risidagi hisoboti eshitildi.Hisobot davrida 38 532 ta xonadonda profilaktik targ‘ibot ishlari olib borilib, 212 ta uchrashuvda 7 230 nafar fuqaro qamrab olingan. Yong‘in xavfsizligi yo‘nalishida esa 193 ta davlat obyekti va 109 ta tadbirkorlik subyekti o‘rganilib, aniqlangan 4 647 ta kamchilikning 3 464 tasi bartaraf etilgan.Yig‘ilish yakunida deputatlar tomonidan mas’ullarga savollar berilib, tegishli javoblar olindi. Aniqlangan kamchiliklarni bartaraf etish, profilaktik ishlar samaradorligini oshirish va aholi xavfsizligini ta’minlash yuzasidan taklif va tavsiyalar bildirildi.

Doimiy komissiya yig‘ilishida G‘allaorol tumanida qishloq xo‘jaligi sohasida amalga oshirilayotgan ishlar, yer va suv resurslaridan samarali foydalanish hamda oziq-ovqat xavfsizligini ta’minlash masalalari muhokama qilindi. 2026-yilda 907 gektar yangi yerlarni o‘zlashtirish rejalashtirilgan bo‘lib, hozirga qadar 596 gektari foydalanishga kiritildi. Shuningdek, 830 gektar maydonda suv tejovchi texnologiyalarni joriy etish rejalashtirilib, amalda 815 gektarda ushbu texnologiyalar o‘rnatildi. Yig‘ilish yakunida yer va suv resurslaridan oqilona foydalanish, takroriy ekinlardan samarali foydalanish hamda belgilangan vazifalar ijrosini ta’minlash yuzasidan taklif va tavsiyalar bildirildi.

Xabarda Oliy Majlis Qonunchilik palatasi deputati Zulayho Akramova tomonidan tumanning Ko‘k buloq QFY hududidagi 54-sonli umumiy o‘rta ta’lim maktabida birinchi mavsumda g‘olib deb topilgan loyihalarning amalga oshirilish holati o‘rganilgani qayd etilgan. Shuningdek, ikkinchi mavsumda aholining kundalik hayoti va hudud rivojiga bevosita ta’sir ko‘rsatadigan loyihalar fuqarolarning taklif va manfaatlari asosida tahlil qilingani haqida ma’lumot berilgan.

O‘zbekiston Respublikasi Oliy Majlis Qonunchilik palatasi deputatlari Z. Akramova va R. Siddiqov, Xalq deputatlari G‘allaorol tuman Kengashi deputatlari K. Usmonov, M. Boboyeva va B. Qorajonov ishtirokida G‘allaorol tumani Olimlar MFY hududidagi 16-sonli umumiy o‘rta ta’lim maktabida o‘rganish ishlari olib borildi. 🏫 Tashrif davomida “Tashabbusli budjet” loyihasi doirasida amalga oshirilishi rejalashtirilgan 120 o‘rinli qo‘shimcha bino va 150 o‘rinli oshxona qurilishi bilan bog‘liq masalalar ko‘rib chiqildi. Shuningdek, maktab o‘qituvchilari bilan uchrashuv o‘tkazilib, ta’lim sifatini oshirish, mavjud muammolarni bartaraf etish va o‘quvchilar uchun munosib shart-sharoitlar yaratish masalalari muhokama qilindi.

Sherobod tuman Kengashi faoliyatidan

DEPUTATNING SAYLOVCHILAR BILAN VA SIYOSIY PARTIYA BILAN OLIB BORADIGAN ISHLARI

Xalq deputatlari mahalliy Kengashi deputatining asosiy vazifalaridan biri - o‘z saylov okrugidagi fuqarolar bilan doimiy aloqada bo‘lish, ularning muammolari, taklif va tashabbuslarini o‘rganish hamda qonuniy manfaatlarini himoya qilishdir.

Deputat saylovchilar ishonchini oqlash, hududni rivojlantirishga oid masalalarni ilgari surish va ularning yechimi yuzasidan amaliy choralar ko‘rishga mas'ul hisoblanadi.

Deputat belgilangan tartibda fuqarolar qabullarini tashkil etadi, saylovchilardan kelib tushgan og‘zaki va yozma murojaatlarni qonunchilik talablari asosida ko‘rib chiqadi. Zarur hollarda vakolatli davlat organlari va tashkilotlariga deputatlik so‘rovlari hamda tavsiyalarini kiritadi, murojaatlarning ijrosini deputatlik nazoratiga oladi va erishilgan natijalar haqida murojaat mualliflariga axborot beradi.

Deputat saylovchilar bilan muntazam uchrashuvlar o‘tkazib, ularni qabul qilinayotgan qonunlar, davlat dasturlari, mahalliy Kengash qarorlari hamda hududda amalga oshirilayotgan islohotlar haqida xabardor qilib boradi. Shuningdek, yiliga kamida to‘rt marotaba o‘z deputatlik faoliyati, amalga oshirilgan ishlar va erishilgan natijalar yuzasidan saylovchilar oldida hisobot beradi.

Deputat o‘zi ko‘rsatilgan siyosiy partiya bilan hamkorlikda partiyaning dasturiy maqsad va vazifalarini hayotga tatbiq etishga ko‘maklashadi, saylovoldi dasturida belgilangan vazifalarning ijrosini ta'minlash yuzasidan faoliyat olib boradi.

Partiya bilan hamkorlik deputatning saylovchilar manfaatlarini yanada samarali himoya qilish, ularning dolzarb muammolariga yechim topish va hududni ijtimoiy-iqtisodiy rivojlantirishga qaratilgan tashabbuslarni ilgari surishda muhim ahamiyat kasb etadi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube

Slide 1 of 1