Yangiliklar
So‘ngi yangiliklar
янв.21
Xalq deputatlari G‘allaorol tuman Kengashining navbatdagi sessiyasi bo‘lib o‘tdiянв.21
DEPUTAT SO‘ROVI IJOBIY HAL ETILDIянв.21
Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.янв.21
Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.янв.21
Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.янв.21
Doimiy komissiya yig‘ilishida G‘allaorol tumanida nogironligi bo‘lgan va imkoniyati cheklangan fuqarolarga ta’lim, tibbiy, ijtimoiy hamda davlat xizmatlaridan foydalanish uchun yaratilayotgan sharoitlar muhokama qilindi. Tumanda 5 855 nafar nogironligi bo‘lgan shaxs mavjud. Imkoniyati cheklangan bolalar uchun 2 ta “Kunduzgi parvarish markazi” va “Yangi kun” xizmati faoliyati yo‘lga qo‘yilgan. 16 ta maktabda korreksion sinflar tashkil etilgan. Xatlovda 180 nafar alohida ta’lim ehtiyojiga ega bola aniqlanib, uy ta’limidagi 80 nafar boladan 9 nafari umumta’lim maktablariga jalb etilgan. Shuningdek, tibbiy xizmatlardan foydalanish va to‘siqsiz harakatlanish imkoniyatlarini kengaytirish bo‘yicha ishlar amalga oshirilmoqda. Yig‘ilish yakunida ushbu yo‘nalishdagi ishlarni yanada takomillashtirish yuzasidan taklif va tavsiyalar bildirildi.янв.21
Doimiy komissiya yig‘ilishida G‘allaorol tumani Favqulodda vaziyatlar bo‘limining 2026-yil davomida aholi va hududlarni favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash borasida amalga oshirgan ishlari to‘g‘risidagi hisoboti eshitildi.Hisobot davrida 38 532 ta xonadonda profilaktik targ‘ibot ishlari olib borilib, 212 ta uchrashuvda 7 230 nafar fuqaro qamrab olingan. Yong‘in xavfsizligi yo‘nalishida esa 193 ta davlat obyekti va 109 ta tadbirkorlik subyekti o‘rganilib, aniqlangan 4 647 ta kamchilikning 3 464 tasi bartaraf etilgan.Yig‘ilish yakunida deputatlar tomonidan mas’ullarga savollar berilib, tegishli javoblar olindi. Aniqlangan kamchiliklarni bartaraf etish, profilaktik ishlar samaradorligini oshirish va aholi xavfsizligini ta’minlash yuzasidan taklif va tavsiyalar bildirildi.янв.21
Doimiy komissiya yig‘ilishida G‘allaorol tumanida qishloq xo‘jaligi sohasida amalga oshirilayotgan ishlar, yer va suv resurslaridan samarali foydalanish hamda oziq-ovqat xavfsizligini ta’minlash masalalari muhokama qilindi. 2026-yilda 907 gektar yangi yerlarni o‘zlashtirish rejalashtirilgan bo‘lib, hozirga qadar 596 gektari foydalanishga kiritildi. Shuningdek, 830 gektar maydonda suv tejovchi texnologiyalarni joriy etish rejalashtirilib, amalda 815 gektarda ushbu texnologiyalar o‘rnatildi. Yig‘ilish yakunida yer va suv resurslaridan oqilona foydalanish, takroriy ekinlardan samarali foydalanish hamda belgilangan vazifalar ijrosini ta’minlash yuzasidan taklif va tavsiyalar bildirildi.янв.21
Xabarda Oliy Majlis Qonunchilik palatasi deputati Zulayho Akramova tomonidan tumanning Ko‘k buloq QFY hududidagi 54-sonli umumiy o‘rta ta’lim maktabida birinchi mavsumda g‘olib deb topilgan loyihalarning amalga oshirilish holati o‘rganilgani qayd etilgan. Shuningdek, ikkinchi mavsumda aholining kundalik hayoti va hudud rivojiga bevosita ta’sir ko‘rsatadigan loyihalar fuqarolarning taklif va manfaatlari asosida tahlil qilingani haqida ma’lumot berilgan.янв.21
O‘zbekiston Respublikasi Oliy Majlis Qonunchilik palatasi deputatlari Z. Akramova va R. Siddiqov, Xalq deputatlari G‘allaorol tuman Kengashi deputatlari K. Usmonov, M. Boboyeva va B. Qorajonov ishtirokida G‘allaorol tumani Olimlar MFY hududidagi 16-sonli umumiy o‘rta ta’lim maktabida o‘rganish ishlari olib borildi. 🏫 Tashrif davomida “Tashabbusli budjet” loyihasi doirasida amalga oshirilishi rejalashtirilgan 120 o‘rinli qo‘shimcha bino va 150 o‘rinli oshxona qurilishi bilan bog‘liq masalalar ko‘rib chiqildi. Shuningdek, maktab o‘qituvchilari bilan uchrashuv o‘tkazilib, ta’lim sifatini oshirish, mavjud muammolarni bartaraf etish va o‘quvchilar uchun munosib shart-sharoitlar yaratish masalalari muhokama qilindi.Mustaqillik yillarida xalq ta’limi tizimidagi tub islohotlar va yangi maktablar qurilishi
Mustaqillik yillarida xalq ta’limi tizimidagi tub islohotlar va yangi maktablar qurilishi
Mustaqillik yillari mamlakatimiz hayotining barcha sohalari qatori xalq ta’limi tizimida ham ulkan o‘zgarishlar va yangilanishlar davri bo‘ldi. Chunki har qanday davlatning kelajagi, avvalo, bilimli, zamonaviy fikrlaydigan va Vatan taqdiriga daxldorlik hissi bilan yashaydigan yosh avlodni tarbiyalashga bog‘liq.
O‘zbekiston mustaqillikka erishgach, ta’lim sohasida milliy qadriyatlar va zamonaviy talablarga asoslangan yangi tizimni shakllantirishga alohida e’tibor qaratildi. Ta’limning huquqiy asoslari mustahkamlanib, uning mazmuni va sifati bosqichma bosqich yangilandi. Keyingi yillarda esa maktab ta’limidagi islohotlar yangi bosqichga ko‘tarildi. 11 yillik umumiy o‘rta ta’lim tizimi tiklandi, zamonaviy baholash usullari, yangi o‘quv dasturlari va darsliklar joriy etildi, o‘qituvchilarning mehnati munosib rag‘batlantirila boshladi.
Ayniqsa, mamlakatimizda “Yangi O‘zbekiston – maktab ostonasidan boshlanadi” degan ezgu g‘oya asosida maktablarning moddiy-texnik bazasini mustahkamlash, yangi o‘quv o‘rinlarini yaratish va zamonaviy ta’lim muhitini shakllantirishga katta e’tibor berilmoqda. Keyingi o‘n yillikda mamlakatimizda yuzlab yangi maktablar qurilib, minglab maktab binolari rekonstruksiya qilindi va kapital ta’mirdan chiqarildi.
Bu jarayonlar Beruniy tumani misolida ham yaqqol ko‘zga tashlanadi. Tumanning aholi soni ko‘payib, yangi mahallalar va aholi punktlari barpo etilishi natijasida aholiga yaqin hududlarda yangi maktablar qurish ehtiyoji ortib bordi. Shu asosda keyingi yillarda tumanda yangi ta’lim muassasalarini barpo etish, mavjud maktablarni rekonstruksiya qilish va ularni zamonaviy jihozlar bilan ta’minlash ishlariga alohida e’tibor qaratildi.
Jumladan, 2024 yilda “Investitsiya” Davlat dasturi doirasida “Lolazor” MFY, xududida 70-sonli umumta’lim maktabiga 330 o‘rinli yangi bino qurilish ishlari olib borildi. “Ibn Sino” MFY xududida 6-sonli umumta’lim maktabiga 480 o‘rinli maktab bino qurilish ishlari olib borildi.
2025 yilda Beruniy tumani “Bo‘ston” mahalla fuqarolar yig‘inidagi Yoshlik aholi manzilida 330 o‘rinli yangi zamonaviy maktab barpo etildi. Qiymati 10 milliard 200 million so‘mlik ushbu ta’lim dargohida sport zali, kasb-hunarga tayyorlash xonalari va oshxona tashkil etildi. Eng muhimi, avvallari 8 kilometr uzoqlikdagi maktabga qatnagan o‘quvchilar endi o‘z yashash joylariga yaqin bo‘lgan zamonaviy maktabda ta’lim olish imkoniyatiga ega. Bu esa mustaqillik yillarida xalqimiz hayotida amalga oshgan amaliy o‘zgarishlarning yana bir yorqin namunasidir.
2026 yilda “Do‘stlik” OFY xududida joylashgan 20-sonli umumta’lim maktabi binosini rekonstruksiya qilish orqali, 120 o‘rinli qo‘shimcha bino qurish ishlari olib borildi. "Maxtumquli" OFY xududida joylashgan 16-sonli umumta’lim maktabi binosini rekonstruksiya qilish orqali, 420 o‘rinli qo‘shimcha bino qurish ishlari olib borildi. "Obixayot" MFY xududida joylashgan 19-sonli umumta’lim maktabi binosini rekonstruksiya qilish orqali, 180 o‘rinli qo‘shimcha bino qurish ishlari olib borildi. "Lolazor" MFY xududida joylashgan 11-sonli umumta’lim maktabi binosini rekonstruksiya qilish orqali, 330 o‘rinli qo‘shimcha bino qurish ishlari olib borildi. "Abay" OFY xududida joylashgan 68-sonli umumta’lim maktabi binosini rekonstruksiya qilish orqali, 120 o‘rinli qo‘shimcha bino qurish ishlari olib borildi.
Bugungi kunda maktab endi faqat bilim beriladigan muassasa emas. U yoshlarning qobiliyatini aniqlaydigan, ularni kasb-hunarga yo‘naltiradigan, axborot texnologiyalari va xorijiy tillarni o‘rganishga keng imkoniyat yaratadigan zamonaviy maskanga aylanmoqda. Mamlakatimizda Prezident maktablari, ijod maktablari va turli fanlarga ixtisoslashgan ta’lim muassasalari tarmog‘ining kengayishi ham ta’lim sohasidagi islohotlarning yangi bosqichini belgilab berdi. Beruniy tumanida ham maktab ta’limi sifatini oshirish, o‘quvchilar uchun munosib shart-sharoit yaratish, ta’lim muassasalarining moddiy-texnik bazasini mustahkamlash bo‘yicha izchil ishlar amalga oshirilmoqda. Yangi qurilayotgan va ta’mirlanayotgan maktablar, fan xonalari, kompyuter sinflari, sport zallari hamda zamonaviy jihozlar o‘quvchilarning sifatli bilim olishiga xizmat qilmoqda.
Xulosa qilib aytganda, mustaqillik yillarida xalq ta’limi tizimi tom ma’noda yangi qiyofa kasb etdi. Beruniy tumanida qurilayotgan yangi maktablar, yaratilayotgan zamonaviy shart-sharoitlar va ta’lim sifatiga qaratilayotgan yuksak e’tibor bu islohotlarning hayotiy samarasidir.
Zero, mustaqillik bergan eng katta imkoniyatlardan biri – farzandlarimiz uchun erkin, zamonaviy va sifatli ta’lim olish sharoitining yaratilganidir. Bugun bunyod etilayotgan har bir maktab – bu kelajakka qurilayotgan mustahkam poydevor, ertanggi kun tarqqiyoti uchun kiritilayotgan eng muhim sarmoyadir.
Yuldasheva Raxima Xaitbayevna
Xalq deputatlari Beruniy tumani Kengashi deputati