Xalq deputatlari G‘allaorol tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

Doimiy komissiya yig‘ilishida G‘allaorol tumanida nogironligi bo‘lgan va imkoniyati cheklangan fuqarolarga ta’lim, tibbiy, ijtimoiy hamda davlat xizmatlaridan foydalanish uchun yaratilayotgan sharoitlar muhokama qilindi. Tumanda 5 855 nafar nogironligi bo‘lgan shaxs mavjud. Imkoniyati cheklangan bolalar uchun 2 ta “Kunduzgi parvarish markazi” va “Yangi kun” xizmati faoliyati yo‘lga qo‘yilgan. 16 ta maktabda korreksion sinflar tashkil etilgan. Xatlovda 180 nafar alohida ta’lim ehtiyojiga ega bola aniqlanib, uy ta’limidagi 80 nafar boladan 9 nafari umumta’lim maktablariga jalb etilgan. Shuningdek, tibbiy xizmatlardan foydalanish va to‘siqsiz harakatlanish imkoniyatlarini kengaytirish bo‘yicha ishlar amalga oshirilmoqda. Yig‘ilish yakunida ushbu yo‘nalishdagi ishlarni yanada takomillashtirish yuzasidan taklif va tavsiyalar bildirildi.

Doimiy komissiya yig‘ilishida G‘allaorol tumani Favqulodda vaziyatlar bo‘limining 2026-yil davomida aholi va hududlarni favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash borasida amalga oshirgan ishlari to‘g‘risidagi hisoboti eshitildi.Hisobot davrida 38 532 ta xonadonda profilaktik targ‘ibot ishlari olib borilib, 212 ta uchrashuvda 7 230 nafar fuqaro qamrab olingan. Yong‘in xavfsizligi yo‘nalishida esa 193 ta davlat obyekti va 109 ta tadbirkorlik subyekti o‘rganilib, aniqlangan 4 647 ta kamchilikning 3 464 tasi bartaraf etilgan.Yig‘ilish yakunida deputatlar tomonidan mas’ullarga savollar berilib, tegishli javoblar olindi. Aniqlangan kamchiliklarni bartaraf etish, profilaktik ishlar samaradorligini oshirish va aholi xavfsizligini ta’minlash yuzasidan taklif va tavsiyalar bildirildi.

Doimiy komissiya yig‘ilishida G‘allaorol tumanida qishloq xo‘jaligi sohasida amalga oshirilayotgan ishlar, yer va suv resurslaridan samarali foydalanish hamda oziq-ovqat xavfsizligini ta’minlash masalalari muhokama qilindi. 2026-yilda 907 gektar yangi yerlarni o‘zlashtirish rejalashtirilgan bo‘lib, hozirga qadar 596 gektari foydalanishga kiritildi. Shuningdek, 830 gektar maydonda suv tejovchi texnologiyalarni joriy etish rejalashtirilib, amalda 815 gektarda ushbu texnologiyalar o‘rnatildi. Yig‘ilish yakunida yer va suv resurslaridan oqilona foydalanish, takroriy ekinlardan samarali foydalanish hamda belgilangan vazifalar ijrosini ta’minlash yuzasidan taklif va tavsiyalar bildirildi.

Xabarda Oliy Majlis Qonunchilik palatasi deputati Zulayho Akramova tomonidan tumanning Ko‘k buloq QFY hududidagi 54-sonli umumiy o‘rta ta’lim maktabida birinchi mavsumda g‘olib deb topilgan loyihalarning amalga oshirilish holati o‘rganilgani qayd etilgan. Shuningdek, ikkinchi mavsumda aholining kundalik hayoti va hudud rivojiga bevosita ta’sir ko‘rsatadigan loyihalar fuqarolarning taklif va manfaatlari asosida tahlil qilingani haqida ma’lumot berilgan.

O‘zbekiston Respublikasi Oliy Majlis Qonunchilik palatasi deputatlari Z. Akramova va R. Siddiqov, Xalq deputatlari G‘allaorol tuman Kengashi deputatlari K. Usmonov, M. Boboyeva va B. Qorajonov ishtirokida G‘allaorol tumani Olimlar MFY hududidagi 16-sonli umumiy o‘rta ta’lim maktabida o‘rganish ishlari olib borildi. 🏫 Tashrif davomida “Tashabbusli budjet” loyihasi doirasida amalga oshirilishi rejalashtirilgan 120 o‘rinli qo‘shimcha bino va 150 o‘rinli oshxona qurilishi bilan bog‘liq masalalar ko‘rib chiqildi. Shuningdek, maktab o‘qituvchilari bilan uchrashuv o‘tkazilib, ta’lim sifatini oshirish, mavjud muammolarni bartaraf etish va o‘quvchilar uchun munosib shart-sharoitlar yaratish masalalari muhokama qilindi.

Piyodalar xavfsizligi — deputat nazoratida!

Mahalla yettiligining faoliyati o‘rganildi

IJTIMOIY SOHA OBYEKTINING KUZ-QISH MAVSUMIGA TAYYORGARLIK HOLATI O‘RGANILDI.

Xalq deputatlari Parkent tuman Kengashining 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna Parkent tumani “Samarobod” MFY hududida joylashgan “Nargis” nomli 9-sonli davlat maktabgacha ta’lim tashkilotida bo‘lib,muassasaning kuz–qish mavsumiga tayyorgarlik holatini o‘rgandi.O‘rganish davomida isitish tizimi, sanitariya-gigiyena talablari,hududning obodonlashtirilishi, mavjud jihozlarning holati hamda tarbiyalanuvchilar uchun yaratilgan shart-sharoitlar ko‘zdan kechirildi.Shuningdek, jamoatchilik nazorati doirasida Vazirlar Mahkamasining davlat maktabgacha ta’lim tashkilotlarida sog‘lom ovqatlantirish tizimini takomillashtirishga oid qarori ijrosi o‘rganildi. Jumladan, oziq-ovqat mahsulotlarining sifati va saqlanishi, kunlik taomnomaning belgilangan
me’yorlarga muvofiqligi, oshxona jihozlarining holati hamda ovqat tayyorlash jarayonida sanitariya-gigiyena talablariga rioya etilishi bilan tanishildi.Bog‘cha xodimlari bilan suhbatlashilib, kuz–qish mavsumida bolalar uchun qulay, xavfsiz va issiq muhit yaratish, sog‘lom ovqatlantirishni ta’minlash hamda ta’lim-tarbiya jarayonini sifatli tashkil etish masalalari muhokama qilindi.Shu bilan birga, 9-sonli DMTT mudirasi tomonidan mavjud muammolar ham deputat e’tiboriga yetkazildi. Xususan, tarbiyalanuvchilarning uxlashi uchun karavotlar yetishmasligi hamda mavjud karavotlarning ayrimlari bolalarning yoshiga mos emasligi, shuningdek, kiyim-kechak va shaxsiy buyumlarni saqlash uchun shkaflar yetishmasligi ma’lum qilindi.Mazkur muammolar yuzasidan deputat tomonidan tegishli mutasaddi tashkilotlarga deputatlik so‘rovi kiritish orqali amaliy ko‘mak ko‘rsatish maqsadga muvofiqligi bildirildi. Aniqlangan masalalar deputatlik nazoratiga olinib, ularni bartaraf etish bo‘yicha tegishli ishlarni amalga oshirish belgilandi.O‘rganish yakunida bolalarning sog‘lom, xavfsiz va qulay muhitda tarbiyalanishi, sifatli ovqatlantirilishi, muassasaning kuz–qish mavsumiga puxta tayyorlanishi hamda zarur mebel va jihozlar bilan ta’minlanishi muhim ekani ta’kidlandi.Deputatlik va jamoatchilik nazorati doirasidagi bunday o‘rganishlar mavjud muammolarni aniqlash, ularni bartaraf etish hamda maktabgacha ta’lim tashkilotlarida bolalar uchun yaratilgan shart-sharoitlarni yanada yaxshilashga xizmat qiladi.

Slide 1 of 9