Xalq deputatlari G‘allaorol tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

12 AVGUST — DAVLAT SOLIQ XIZMATI ORGANLARI XODIMLARI KASB BAYRAMI!

Hurmatli soliq xizmati organlari xodimlari!

Sizlarni kasb bayramingiz — 12 avgust — Davlat soliq xizmati organlari xodimlari kuni bilan samimiy muborakbod etamiz!

Mamlakatimizda moliyaviy intizomni mustahkamlash, davlat byudjeti barqarorligini ta’minlash, soliq to‘lovchilarga qulay shart-sharoitlar yaratish, sohada qonuniylik va adolat tamoyillarini qaror toptirish yo‘lidagi mas’uliyatli mehnatingiz yuksak e’tirofga loyiq.

Ayniqsa, soliq ma’muriyatchiligiga zamonaviy raqamli texnologiyalarni keng joriy etish, xizmat ko‘rsatish sifatini oshirish va soliq to‘lovchilarning huquq hamda qonuniy manfaatlarini ta’minlash borasidagi sa’y-harakatlaringiz muhim ahamiyat kasb etmoqda.

Sizlarga mustahkam sog‘lik, oilaviy xotirjamlik, mas’uliyatli va sharafli faoliyatingizda ulkan muvaffaqiyatlar, yurtimiz taraqqiyoti va xalqimiz farovonligi yo‘lidagi ezgu ishlaringizga kuch-g‘ayrat tilaymiz!

Kasb bayramingiz muborak bo‘lsin!