Xalq deputatlari G‘allaorol tumani Kengashi

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

#Haftalik ish rejaga asosan 24-tavsiya ijrosi #kotibiyat xodimi faoliyati

TA’LIM MUASSASASIDA YANGI O‘QUV YILIGA TAYYORGARLIK HOLATI O‘RGANILDI.

Xalq deputatlari Angor tumani Kengashi 4–Tallimaron saylov okrugi deputati Jumayev Zafar Unarovich hududidagi 14-son umumta’lim maktabida yangi 2026–2027-o‘quv yiliga tayyorgarlik jarayonlari o‘rganildi.

Mazkur o‘rganish Xalq deputatlari Angor tumani Kengashi kotibiyati bosh mutaxassisi M. Choriyeva tomonidan amalga oshirildi.

O‘rganish davomida ta’lim muassasasining yangi o‘quv yiliga tayyorgarlik holatiga alohida e’tibor qaratilib, sinf xonalarining holati, o‘quv jihozlari bilan ta’minlanganlik darajasi, hududdagi obodonlashtirish va ko‘kalamzorlashtirish ishlari hamda o‘quvchilar uchun munosib shart-sharoitlar yaratish borasida amalga oshirilayotgan ishlar ko‘zdan kechirildi.

📖 Shuningdek, deputatga biriktirilgan qonunlar taqsimoti doirasida “Ijtimoiy sheriklik to‘g‘risida”gi Qonun mazmun-mohiyati yuzasidan maktab jamoasiga huquqiy targ‘ibot tadbiri o‘tkazildi. Unda ijtimoiy sheriklikning mazmuni, davlat organlari va fuqarolik jamiyati institutlari o‘rtasidagi hamkorlikning ahamiyati hamda jamiyat hayotidagi o‘rni haqida tushuntirishlar berildi.

✅ O‘rganish yakunida yangi o‘quv yilini yuqori saviyada tashkil etish, ta’lim sifatini oshirish, maktabda o‘quvchilar uchun xavfsiz va qulay muhit yaratish hamda mavjud kamchiliklarni bartaraf etish masalalariga e’tibor qaratildi.

Bunday o‘rganish va targ‘ibot tadbirlari ta’lim muassasalarida sifatli ta’lim olish uchun zarur shart-sharoitlarni yanada yaxshilash, huquqiy bilimlarni oshirish hamda deputatlik nazoratini kuchaytirishga xizmat qiladi.

Slide 1 of 5