Xalq deputatlari Chilonzor tuman Kengashi deputati Imamov Sanjarali To‘lqinovich Tirsakobod MFY raisi bilan birgalikda Chilonzor tumani Tirsakobod MFY hududida barpo etilayotgan yangi “Do‘mbirobod City” majmuasida olib borilayotgan qurilish va obodonlashtirish ishlari holatini o‘rgandi.

Mazkur o‘rganish ishlari hudud aholisi tomonidan deputatga yo‘llangan murojaatlar asosida tashkil etildi. Murojaatlarda yangi majmua qurilishi jarayonida yuzaga kelayotgan ayrim noqulay holatlar, jumladan, qurilish ishlari bilan bog‘liq aholi uchun noqulayliklar hamda hududdagi sharoitga ta’sir ko‘rsatayotgan masalalar ko‘tarilgan.

O‘rganish davomida yangi mikrorayonda olib borilayotgan qurilish va obodonlashtirish ishlari, hududning muhandislik-kommunikatsiya tarmoqlari bilan ta’minlanishi, mavjud infratuzilmaning holati, shuningdek, fuqarolar uchun qulay va xavfsiz shart-sharoitlarni yaratish borasida amalga oshirilayotgan ishlar atroflicha ko‘zdan kechirildi.

Shuningdek, fuqarolar murojaatlarida ko‘rsatilgan masalalar joyida o‘rganilib, aniqlangan muammolar mas’ullar ishtirokida muhokama qilindi. Ularni belgilangan tartibda va qisqa muddatlarda bartaraf etish, qurilish jarayonida hudud aholisi manfaatlari hamda qulay yashash sharoitlarini ta’minlash yuzasidan mas’ullarga tegishli tavsiya va ko‘rsatmalar berildi.

Aniqlangan kamchiliklarni bartaraf etish, belgilangan vazifalarning sifatli va o‘z vaqtida bajarilishini ta’minlash hamda fuqarolar murojaatlarida ko‘tarilgan masalalarning ijobiy yechimini ta’minlash deputat Imamov Sanjarali To‘lqinovich tomonidan nazoratga olindi.