Xalq deputatlari Buxoro viloyati Kengashiga 27-Dalmun saylov okrugidan saylangan deputat M.Ochilov okrugi hududidagi Mirzayon mahalla fuqarolar yig‘inida Xalq deputatlari Jondor tumani Kengashiga 6-Mirzayon saylov okrugidan saylangan deputat G‘. Hamroyev hamda tuman Kengashi kotibiyati mudiri I. Xolov ishtirokida saylovchilar bilan uchrashuv bo‘lib o‘tdi.
👉Uchrashuv davomida fuqarolar bilan ochiq muloqot o‘tkazilib, ularning taklif, fikr va muammolari tinglandi. Saylovchilar tomonidan hududdagi ijtimoiy-maishiy masalalar, infratuzilmani yaxshilash, obodonlashtirish hamda aholi uchun qulay sharoitlar yaratish yuzasidan murojaatlar bildirildi.
👉Deputat G‘. Hamroyev fuqarolar tomonidan ko‘tarilgan har bir masalani e’tibor bilan tinglab, murojaatlarni tegishli tashkilotlar bilan hamkorlikda o‘rganish va imkon qadar amaliy yechim topish muhimligini ta’kidladi.
👉Shuningdek, saylovchilar bilan muntazam muloqot qilish, ularning qonuniy manfaatlarini himoya etish va hududdagi muammolarni deputatlik nazorati asosida hal etishga ko‘maklashish deputat faoliyatining ustuvor yo‘nalishlaridan biri ekani qayd etildi.
👉Uchrashuv yakunida bildirilgan taklif va murojaatlarni o‘rganish, tegishli tashkilotlarga yo‘naltirish hamda ularning ijrosi yuzasidan nazorat olib borish bo‘yicha kelishib olindi.