“Dolzarb 40 kunlik” doirasida  

Xalq deputatlari Qo‘shko‘pir tuman Kengashi deputati M. Artiqova Uyg‘ur
mahallasida “Dolzarb 40 kunlik” doirasida Tinchlik ko‘chasida olib borilayotgan
ishlar bilan ko‘cha boshisi K. Holboyev hamkorligida tanishdi. 

Tashrif davomida mahallada obodonlashtirish va hududni yanada
ko‘rkamlashtirish borasida amalga oshirilayotgan ishlar ko‘zdan kechirildi.
Ayniqsa, aholi uchun qulay va xavfsiz piyodalar yo‘lakchasining tashkil
etilayotgani fuqarolarning xursandchiligiga sabab bo‘lmoqda. 

Deputat tomonidan amalga oshirilayotgan ishlarning sifatli va tizimli
tashkil etilishi, aholi manfaatlari hamda hudud obodligini ta’minlash
masalalariga alohida e’tibor qaratildi. 

Bunday bunyodkorlik va obodonlashtirish ishlari mahalla infratuzilmasini
yaxshilash, fuqarolar uchun munosib yashash sharoitlarini yaratish hamda
aholining mahalliy boshqaruvga bo‘lgan ishonchini yanada mustahkamlashga xizmat
qilmoqda.