Xalq deputatlari Pastdarg‘om tumani Kengashining Korrupsiyaga qarshi kurash va xavfsizlik masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2021-yil 13-martdagi 134-son “Davlat tashkilotlari xodimlarining huquqiy savodxonligini yanada oshirish chora-tadbirlari to‘g‘risida”gi qarori ijrosini o‘rganish bo‘yicha amaliy ishlar davom ettirilmoqda.

🔎 Shu doirada ishchi guruh tomonidan Pastdarg‘om tumani Madaniyat bo‘limida o‘rganish ishlari olib borildi.

📚 O‘rganish jarayonida xodimlarning huquqiy savodxonligini oshirish bo‘yicha amalga oshirilayotgan ishlar, huquqiy o‘quv va tushuntirish mashg‘ulotlarining tashkil etilishi, yangi qabul qilingan qonunchilik hujjatlarining xodimlarga yetkazilishi hamda elektron o‘quv materiallaridan foydalanish holati ko‘zdan kechirildi.

📌 Shuningdek, xodimlarning huquqiy bilimlarini baholash, mavjud kamchiliklarni aniqlash va ularni bartaraf etish bo‘yicha ko‘rilayotgan choralar o‘rganildi.

🤝 O‘rganish yakunlari bo‘yicha huquqiy savodxonlikni yanada oshirish, qonunchilik talablarini xodimlarga o‘z vaqtida yetkazish va huquqiy bilimlarni mustahkamlash yuzasidan tegishli tavsiya va takliflar bildirildi.