Xalq deputatlari Qo‘qon shahar Kengashi deputati Yu.To‘ychiyev tomonidan 1-"Temiryo‘lchi" saylov okrugi hududidagi "Chorchinor" mahallasida o‘rganish ishlari olib borildi.

O‘rganish davomida deputat mahalla ko‘chalari bo‘ylab yurib, hududning obodonlashtirish holati, infratuzilma, aholini qiynayotgan muammolar hamda ularni bartaraf etish bo‘yicha amalga oshirilayotgan ishlar bilan yaqindan tanishdi.

Xususan, Chorchinor ko‘chasida mavjud holat joyiga chiqqan holda ko‘zdan kechirilib, hududni yanada rivojlantirish, tadbirkorlikni qo‘llab-quvvatlash va yangi ish o‘rinlarini yaratish masalalari muhokama qilindi.

O‘rganishda mahalla hokim yordamchisi hamda mahalla raisi ishtirok etib, ko‘cha bo‘ylaridagi bo‘sh hududlardan samarali foydalanish, tadbirkorlik subyektlarini jalb etish orqali xizmat ko‘rsatish va savdo shoxobchalarini tashkil etish, shu orqali mahalla infratuzilmasini rivojlantirish yuzasidan takliflar ko‘rib chiqildi.

Shuningdek, tadbirkorlik faoliyatini kengaytirish orqali yangi ish o‘rinlari yaratish, aholi bandligini oshirish hamda hududning iqtisodiy salohiyatini mustahkamlash bo‘yicha amalga oshirilishi lozim bo‘lgan chora-tadbirlar yuzasidan fikr almashildi.

O‘rganish davomida Xalq deputatlari Qo‘qon shahar Kengashi mudiri A.Nosirov va Kengash kotibiyati bosh mutaxassisi A.Adhamovlar ishtirok etib, o‘rganish ishlarini tashkil etishda ko‘maklashdilar.

Xalq deputatlari Qo‘qon shahar Kengashi