Xalq deputatlari Tuproqqal’a tuman Kengashi deputati Muxiddin Yarashev tomonidan 3-son davlat maktabgacha ta'lim tashkilotida O‘zbekiston Respublikasi qonunlari, Prezident Farmon va qarorlari hamda Hukumat qarorlarida belgilangan vazifalarning ijrosi yuzasidan o‘rganish ishlari olib borildi.

📋 O‘rganish davomida muassasada ta'lim-tarbiya jarayonining tashkil etilishi, bolalar uchun yaratilgan shart-sharoitlar, sanitariya-gigiyena talablariga rioya etilishi, oziq-ovqat mahsulotlari sifati va saqlanishi, shuningdek, qonunchilik hujjatlarida belgilangan vazifalarning ijro holati ko‘zdan kechirildi.

🤝 Muassasa rahbariyati bilan o‘tkazilgan muloqotda mavjud holat tahlil qilinib, faoliyat samaradorligini yanada oshirish hamda aniqlangan masalalarni bartaraf etish yuzasidan tegishli tavsiya va takliflar bildirildi.

✅ O‘rganish yakunlari bo‘yicha qonunchilik hujjatlarining ijrosini sifatli ta'minlash hamda maktabgacha ta'lim tizimida olib borilayotgan islohotlarni izchil amalga oshirish yuzasidan tegishli vazifalar belgilandi.