"Adolat" SDPdan saylangan xalq deputatlari tuman Kengashi deputati K. Beshbayev hamda Kotibiyat mudiri M. Urazbayev tomonidan 12-Do‘rman saylov okrugida navbatdagi o‘rganish ishlari olib borildi.

O‘rganish davomida:
✅ mahalla ichki ko‘cha yo‘llarining holati;
✅ ko‘chalarni tungi yoritish tizimi;
✅ yo‘l-transport hodisalari tez-tez sodir bo‘layotgan hududlarda YTHlarning oldini olish va ularni kamaytirishga qaratilgan chora-tadbirlar atroflicha ko‘zdan kechirildi.

Aniqlangan muammolar yuzasidan tegishli mutasaddi tashkilotlarga taklif va tavsiyalar ishlab chiqilib, ularni bartaraf etish bo‘yicha amaliy choralar belgilandi.

Mazkur o‘rganishlar deputat faoliyatining eng muhim 24 ta ustuvor yo‘nalishi doirasida amalga oshirilmoqda. Asosiy maqsad – aholi uchun xavfsiz, qulay va zamonaviy infratuzilmani shakllantirishdan iborat.