Xalq deputatlari Sardoba tumani Kengashi deputati A.Muxammadiyev tomonidan Navro‘z mahallasida fuqarolar bilan ochiq muloqot o‘tkazilib, aholining murojaat va takliflari tinglandi.Uchrashuv davomida fuqarolar tomonidan kommunal xizmatlar sifati, yo‘l infratuzilmasi, bandlik, ijtimoiy qo‘llab-quvvatlash hamda mahalla hududidagi dolzarb masalalar yuzasidan murojaatlar bildirildi.
Har bir murojaat atroflicha o‘rganilib, ularni qonuniy hal etish bo‘yicha tegishli tashkilotlar bilan hamkorlikda amaliy choralar belgilandi.
Deputat tomonidan aholi bilan doimiy muloqotni kuchaytirish, fuqarolarni qiynab kelayotgan muammolarni o‘z vaqtida bartaraf etish hamda xalq manfaatlarini ta’minlash ustuvor vazifa ekanligi ta’kidlandi.
Bunday uchrashuvlar aholining davlat vakillariga bo‘lgan ishonchini mustahkamlash, murojaatlarni joyida hal etish hamda mahallada ijtimoiy barqarorlikni ta’minlashda muhim ahamiyat kasb etmoqda.