Xalq deputatlari Gʻallaorol tuman Kengashi deputati A.Xazratqulov O‘zbekiston Respublikasi Prezidentining 2026-yil 30-yanvardagi PQ-35-sonli “2026–2027 yillarda Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi qarori ijrosi doirasida amalga oshirilayotgan qurilish ishlari bilan yaqindan tanishdi. Jumladan, deputat Marjonbuloq mahallasiga olib boruvchi avtomobil yo‘lida olib borilayotgan qurilish va ta’mirlash ishlari jarayonini o‘rgandi. Yo‘l qurilishining borishi, bajarilgan ishlar sifati hamda belgilangan muddatlarga rioya etilishi masalalariga alohida e’tibor qaratildi. mas’ul tashkilotlar vakillari bilan muloqot o‘tkazilib, qurilish ishlarini sifatli va belgilangan muddatlarda yakunlash yuzasidan tavsiyalar berildi. Mazkur loyihaning ijrosi deputatlik nazoratida ekanligi qayd etildi.