MUNOSABAT: Madaniy faoliyat va madaniy tashkilotlar to‘g‘risidagi qonun – milliy madaniyatimiz taraqqiyotining muhim huquqiy asosidir.

O‘zbekiston Respublikasining 2021-yil 20-yanvarda qabul qilingan “Madaniy faoliyat va madaniy tashkilotlar to‘g‘risida”gi O‘RQ-668-sonli Qonuni mamlakatimizda madaniyat sohasini rivojlantirish, madaniy merosni asrab-avaylash hamda aholining madaniy hayotdagi ishtirokini kengaytirishga xizmat qiluvchi muhim huquqiy hujjat hisoblanadi.

Mazkur Qonunning mohiyati yuzasidan Xalq deputatlari Angor tumani Kengashi deputati Qulliyeva Orzigul o‘z munosabatini bildirib shunday dedi:“Madaniyat – xalqning ma’naviy qiyofasi, milliy o‘zligini namoyon etuvchi bebaho boylikdir. O‘RQ-668-sonli Qonun madaniyat sohasidagi munosabatlarni huquqiy jihatdan tartibga solib, madaniy tashkilotlar faoliyatini qo‘llab-quvvatlash, ijodkorlar uchun zarur shart-sharoitlar yaratish hamda aholini madaniy hayotga keng jalb etishga xizmat qilmoqda.

Ayniqsa, yosh avlodni milliy va umuminsoniy qadriyatlar ruhida tarbiyalash, madaniy merosimizni asrash va kelajak avlodlarga yetkazishda ushbu Qonunning ahamiyati beqiyosdir. Madaniyatga e’tibor – ma’naviyatga e’tibor, ma’naviyatga e’tibor esa jamiyat taraqqiyotining muhim omilidir.”