Xalq deputatlari viloyat Kengashi deputati G.Matmuratova tomonidan “Mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash hamda to‘lash holati, nogironligi mavjud shaxslarga davlat tomonidan berilgan imtiyozlarning to‘g‘ri qo‘llanilishi holatini o‘rganish” yuzasidan Hazorasp tumani “Otaliq” mahallasida faoliyat yuritayotgan ijtimoiy xodimning xizmat faoliyati belgilangan tartibda o‘rganildi.

✍️ O‘rganish davomida mahallada jami 6040 nafar aholi, 1004 ta xonadon va 750 ta oila mavjudligi aniqlandi. Ijtimoiy xodim tomonidan aholining ijtimoiy holati muntazam o‘rganib borilayotgani kuzatildi.

Shuningdek, 👩‍🦽‍➡️nogironligi bo‘lgan fuqarolar hisobini yuritish ishlari tashkil etilgan bo‘lib:

• 1-guruh – 35 nafar

• 2-guruh – 163 nafar

• 3-guruh – 1 nafarni tashkil qiladi.

🌙 Ramazon oyi munosabati bilan ijtimoiy himoyaga muhtoj aholini qo‘llab-quvvatlash borasida qator amaliy ishlar bajarilgan.

✅ Jumladan:

• Jami 268 nafar fuqaroga moddiy yordam ko‘rsatilgan;

• 39 nafar davlat ta’minotidagi oilalarga har biriga 1 000 000 so‘mdan ajratilgan;

• 85 nafar kambag‘al oilalarga har biriga 500 000 so‘mdan yordam berilgan;

• 10 nafar kambag‘allik chegarasidagi oilalar qo‘llab-quvvatlangan;

• 134 nafar oilaga bir martalik moddiy yordamlar ko‘rsatilgan.

🎁 O‘rganish jarayonida ijtimoiy xodim tomonidan ehtiyojmand aholi qatlamini aniqlash hamda ularga manzilli yordam ko‘rsatish ishlari yo‘lga qo‘yilgani ma’lum bo‘ldi. Ijtimoiy xodim faoliyati umumiy holatda qoniqarli deb baholandi. ✅

Shu bilan birga deputat tomonidan mavjud ishlarni yanada takomillashtirish yuzasidan tegishli tavsiyalar berildi.