Xalq deputatlari G‘allaorol tumani Kengashi

Yangiliklar

So‘ngi yangiliklar

Deputat yoshlar tadbirida ishtirok etdi

Deputatlik so‘rovi ijobiy hal etildi

Lalmikor mahallasida qurilish ishlari o‘rganildi

Deputat tomonidan 2-sonli oilaviy poliklinika faoliyati o‘rganildi

2-Nurafshon saylov okrugidan saylangan deputat aholi bilan uchrashdi

Xalq deputatlari G‘allaorol tuman Kengashining navbatdagi sessiyasi bo‘lib o‘tdi

DEPUTAT SO‘ROVI IJOBIY HAL ETILDI

Xalq deputatlari G‘allaorol tuman Kengashi raisi Sh. Umarov Sarbozor mahallasi faollari hamda nuroniylar bilan uchrashdi. Uchrashuvda mahallaning bugungi holati, aholini o‘ylantirayotgan masalalar, mavjud muammolar va ularning yechimini topish bo‘yicha fikr almashildi. Suhbat davomida nuroniylar va mahalla faollari o‘z taklif hamda mulohazalarini bildirib, hududni yanada obodonlashtirish, aholi uchun qulay sharoit yaratish, yoshlar bilan ishlash hamda ijtimoiy masalalarga alohida e’tibor qaratish zarurligini ta’kidladilar.Sh. Umarov bildirilgan fikr va takliflarni diqqat bilan tinglab, ko‘tarilgan masalalarni tegishli mutasaddilar bilan birgalikda o‘rganish va ularning amaliy yechimini ta’minlash muhimligini qayd etdi.

Oliy Majlis Qonunchilik palatasi deputati R. Siddiqov hamda Xalq deputatlari G‘allaorol tuman Kengashi kotibiyati mudiri B. Qorajonov Xonimqo‘rg‘on mahallasida bo‘lib, «Tashabbusli budjet» loyihasida yetarli ovoz to‘play olmagan, biroq aholi uchun muhim ahamiyatga ega bo‘lgan ichki yo‘llarni ta’mirlash loyihasi bilan tanishdilar. Ma’lumki, mazkur loyiha «Tashabbusli budjet» jarayonida g‘oliblar qatoriga kira olmagan. Shunga qaramay, loyihaning ijtimoiy ahamiyati, aholi murojaatlari va mavjud muammoning dolzarbligidan kelib chiqib, uni deputat tanlovi asosida qo‘llab-quvvatlash masalasi ilgari surilmoqda.

Xalq deputatlari G‘allaorol tumani Kengashi deputati F. Bobobekov tomonidan 21-Jarbuloq saylov okrugidagi mahallalar aholisi bilan uchrashuv o‘tkazildi. Uchrashuv davomida fuqarolarning kundalik hayotda duch kelayotgan muammolari, murojaatlari, taklif va tashabbuslari tinglanib, atroflicha o‘rganildi.Bildirilgan har bir murojaatning mazmun-mohiyati tahlil qilinib, ularni hal etish yuzasidan tegishli tashkilot va mutasaddi idoralar bilan hamkorlikda amaliy choralar ko‘rish masalalari belgilab olindi. Deputat tomonidan fuqarolar murojaatlarining o‘z vaqtida va sifatli ijro etilishi hamda erishilgan natijalar doimiy e’tiborda bo‘lishi ta’kidlandi.

#Deputat_sorovi Sug‘orish tarmoqlaridagi muammolar yuzasidan Kattaqo‘rg‘on tuman hokimligiga deputat so‘rovi yuborildi

#Deputat_sorovi

Sug‘orish tarmoqlaridagi muammolar yuzasidan Kattaqo‘rg‘on tuman hokimligiga deputat so‘rovi yuborildi

Kattaqo‘rg‘on tumanining Melixo‘ja, Yangiqo‘rg‘oncha, Sho‘rak, Uyshun va Alijon mahallalari hududidan o‘tuvchi sug‘orish tarmoqlarining texnik holati bugungi kunda jiddiy muammolarni keltirib chiqarmoqda.

✅ Xususan, mazkur hududdagi sug‘orish tarmoqlarini soz holatda saqlash, o‘z vaqtida ta’mirlash va tiklash ishlari yetarli darajada amalga oshirilmayotgani aholi hamda fermer xo‘jaliklari uchun noqulaylik tug‘dirmoqda.

💠 Ma’lumotlarga ko‘ra, sug‘orish tarmog‘ining qariyb 10 km qismi qum va loyqa cho‘kindilari bilan qoplanib qolgan. Texnik xizmat ko‘rsatilmaganligi sababli 8 ta fermer xo‘jaligi va 2000 ga yaqin aholi xonadonlari mazkur tarmoqdan samarali foydalana olmayapti.

👍 Natijada ekin maydonlarini sug‘orishda uzilishlar yuzaga kelib, qishloq xo‘jaligi mahsuldorligiga ham salbiy ta’sir ko‘rsatishi mumkin.

👍 Mazkur muammo yuzasidan deputat tomonidan tegishli tashkilotlarga rasmiy so‘rov yuborildi. Unda ushbu sug‘orish tarmog‘ini belgilangan tartibda o‘rganib chiqish, tozalash va ta’mirlash ishlarini tashkil etish hamda amaliy yordam ko‘rsatish so‘ralgan.

✅ Shuningdek, amaldagi qonunchilikka muvofiq, deputat so‘roviga belgilangan muddatlarda javob taqdim etilishi lozimligi eslatib o‘tilgan.Ushbu masalaning ijobiy hal etilishi hudud aholisi va fermer xo‘jaliklari uchun muhim ahamiyat kasb etadi.

✅@sam_vil_deputatlari

Slide 1 of 1