Haftalik davomida ijtimoiy og‘ir ahvolga tushish ehtimoli mavjud oilalarda profilaktik suhbatlar o‘tkazilib, ularning muammolari o‘rganildi hamda amaliy yordam ko‘rsatish choralari belgilandi. Shuningdek, “Sog‘lom hayot uchun 5000 qadam” ommaviy yurish marafoni tashkil etilib, aholi o‘rtasida sog‘lom turmush tarzi keng targ‘ib qilindi. Aholi salomatligini mustahkamlash maqsadida sayyor tibbiy ko‘riklar yo‘lga qo‘yildi, 5 muhim tashabbus doirasida sport musobaqalari o‘tkazildi. Bundan tashqari, madaniy-ma’rifiy tadbirlar va psixologik treninglar tashkil etilib, fuqarolarning bo‘sh vaqtini mazmunli o‘tkazish hamda ruhiy holatini yaxshilashga alohida e’tibor qaratildi. Mazkur tadbirlarning asosiy maqsadi huquqbuzarliklarning barvaqt oldini olish, aholi muammolarini aniqlash va bartaraf etish, mahallalarda sog‘lom ijtimoiy muhitni shakllantirish hamda fuqarolarda mahallaga daxldorlik hissini oshirishdan iborat. Ushbu tashabbuslar hududda ijtimoiy barqarorlikni mustahkamlash va aholi farovonligini oshirishga xizmat qilmoqda.